MBIRIGA WENE 15:18 - Nanduk Ngget Tul Pidnak Wene

¹⁸ Nagawan Indo wa-e. Kar-e pempa Nagawan o tena woraso-nen yusu-o” yiga-o.

MBIRIGA WENE 15:18 ပူးပေါင်းရင်းမြစ်များ

NDAK WIRIDNAK WENE 21:33

Iri luk, Mbereseba iri me Abarakam-nen e tamariska misik yagurug-e, iri na me-ge Abarakam na-ge pem-et woraso Mbal Pem Nagawan, Nagawan Indo erembel wanosolat woragij-o.

NDAWI ENGGA 146:10

Nagawan Indo iri-ge pem-et woralik nalik yoso Nagawan-nen yusu-o. Sion wa-e. Kembal Pem Nagawan iri-ge o tena worasolat mondok pem irit yi olengen ndi olengen lak yoso-nen yusu-o. Nagawan Indo nak erembel wanurag-o!

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 4:3

Mbal Pem Nagawan-nen kagwi buk mende kwaroso-ge mondok ija lombog-o! At-nen wi yurak mende kwaroso-ge wir-o! Mbal Pem Nagawan iri-ge nagawan irit men marik, pem irit woralik nalik irit wolma-o. Pempa woragolar-e, o tena wolmomtak amawi-ge at inggem nak irit wolma-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

NDANIEL 7:27

Nggweyakma yu me tena woragwi amawi min nggok kek tak woragwi oboksa min ereba na-ge Mbal Pem Nagawan Mondok Kek tak iri na ilirak wok unduwa-o. Nde, it-nen o tena woragwi amawi iri na-ge lak ma bug-o. Nggweyakma nap nagawan oboksa-ge tugup lak it nak ndegel onpogolat it-nen yidnak yidnak kwarogolat wolma-o” luk yak nirij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

TUGURUK YIDNAK WENE 33:5

Nde, Isarael nap ennggendumu enne kulugwi nap inmin ndok worogola-ge, Nagawan Indo-ge at ilirak ennggendumu nagawan kwat yij-o” luk yij-o.