MBIRIGA WENE 15:17 - Nanduk Ngget Tul Pidnak Wene

¹⁷ Isarael nab-e Nagawan Indo kat woraso sa kat-nen lenak pigen iri na me inmin mburusu-o. Ir-e kondobo marak iri na bem onposolat, kat kinggi-nen wirigen wi iri na me onposolat yusu-o.

MBIRIGA WENE 15:17 ပူးပေါင်းရင်းမြစ်များ

2 SEMUEL 7:10

Iri-nen an nilirak Isarael nab-e tuguruk sil eneyagit lak, kona yamuksa wolmakluk an-nen ondoro mbi lenak puruk, iri me-t wolmer-o yak indigi-o. Nde, it o yu me wok yogola-net an-nen-e it ennggendumu lit unpuruk nurak nap lenak unpukmu-o. Nde, ap wene kulugwi buk nap-nen-e enpem mbud tenak woraiga-o. Alat nde, abog-e iri nggal-e kwaruwa bug-o. Mondok owak mbarusu-o. Wim nap-nen-e mondok sil kiyujwa bug-o. Wene lak, yamuksa irit woragun-o. An-net kat-nen wigarag-e wok kirimin-o.

1 NAGAWAN NAGAWAN-NEN KWARIDNAK WENE 8:13

Yawo an-nen-e kat-nen pem irit wolmomtak o kwiye worak yu wirigi-o” yak tij-o.

NDAWI ENGGA 114:2

Nagawan Indo-nen-e Yewura-ge at ondoro marak kwarak posolat, Isarael-e at-nen tenagidnak wi kwarak posolat yamu-o.

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 80:15

Kat kilirak anggut ari nggal kat kondomok kindi-nen yaigen iri na min anggut isit kat-nen amawi rak pigen iri na min-e inmiri yi-o.

NDAWI ENGGA 80:8

Kat kilirag-e anggut uwi nggal Mesira-nen inpil lobok yosoluk, ap enlem nin ereba na-ge sera wirik onposoluk, it unuwi nggweyak pem-e anggut uwi iri na yaigen-o.

MBIRIGA WENE 15:13

Kat-nen ’Irit kwat kinpimin-o’ luk tul pigen iri na ndak ndag-et kwarosolar-e, kat-nen inmiri yigen nab-e lit unpuruk mburusu-o. Kamawi nggok pem-nen nggetlel unpuruk, kat woraso sa lenak iri na me lit unpuruk mburusu-o.

MBIRIGA WENE 23:20

Nagawan Indo-nen yosolar-e: ”Kit mborogola, nggetlel kunpuruk mburuwakluk an-nen idnak aid nab-e nanduk kenabuwok pil lobok yumu, wok kunpuruk, o an-nen kenmanggim lud tak pigi sa kinpil mburuwa-o.

MBIRIGA WENE 32:34

Kar-e mburugundik, it inmin luk o unu yak kirigi sa iri na me mbiri-o. Mborosola-ge, an-nen idnak aid nap-nen-e ndegel kuburuk mburuwa-t nde, it meya yidnak iri-ge an nen enpem wene mbarurak tarem-e awo worasu-o” luk yak tij-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

YEREMIA 31:23

Nagawan Indo Mondok Amawi Worak, Isarael nap Enmbal Pem Nagawan-nen yosolar-e: ”An nilirak nde tuguruk nanduk-nen woragwi nggal kek tak unnu worak tak pumu-ge, o Yewura min Yewura siri oboksa min ereba na me-nen-e ap-nen yogolar-e: ’Nagawan Indo-nen-e at arig-et nak woraso ondoro Yerusalem ndobo marak iri na imbiringgat tak puwag-o’ yogola kuluwa-o.

YESKIEL 37:26

It-nen pem irit yamuksa konak irit wolmakluk, an-nen-e it inmin urul pimin-o. An-nen-e it inmbiringgat tak posolat, it enpe na kwarat tak pimin-o. It unuwi nggweyak pem iri me-ge an nuwi-ge pem irit tugup lak wolmakluk nuwi wirimin-o.

YESKIEL 37:28

Nde, an nuwi pem irit it ennggendumu worala-ge, ap enlem oboksa-nen enaru yogolar-e, Nagawan Indo-net Isarael nab-e at ilirak tak enpeyekluk len enpamu-o luk enaru ma-o’ luk yak indi-o” luk yij-o.

TUGURUK YIDNAK WENE 33:19

It-nen-e yi ap ndi ap it ondobo bem lobok yuwakluk yonggo onpogola, lobok yogolar-e, ndobo iri na bem wam wosa ndemeret mot mor-et kan pogolat woragwi-o. Ir-e onggo nggok pugwi mende yi mende ndi mende-ge yi koma arem-nen wanogolat, yi koma eyak nggwe sisiri arem-nen wanogolat kwat tenak woragwi-o” luk yij-o.