MBIRIGA WENE 15:16 - Nanduk Ngget Tul Pidnak Wene

¹⁶ Nagawan Indo amawi enlengen-nen kagolar-e, ir-e kwiye kwarat yili-o. Kat kelem nap kat-nen wisirik inpigen nap iri ndilagola-ge, wim nab-e pak purag-e meya yusu-o.

MBIRIGA WENE 15:16 ပူးပေါင်းရင်းမြစ်များ

NDAK WIRIDNAK WENE 35:5

Iri rak puruk, Yakup na ilirak inmin nduguluk mborogola-ge, Mbal Pem Nagawan-nen-e o siri ereba me eralu eralu woragwi nap ereba na-ge mondok kwiye elem-nen nak nggetla keya enpamu, it-nen-e Yakup-nen lit karuk mbitli ereba na-ge muk eneyaruk mbirigit lag-o.

2 SEMUEL 7:23

Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

NDAWI ENGGA 105:38

Mesira nap ereba na-ge it enaye-nen enaboro wat yamu inmi linggirik nak woragolat me, it mborogola-ge, enalen kaiga-o.

NDAWI ENGGA 89:14

Kat-nen ndemeret mot mot kwaroso min kat-nen kwarurag-o luk wat tak pidnak wene min iri-ge kat-nen tenagidnak wi paro-nen yusu-o. Kat-nen enabuwa kaso min mot mot tugup lak woraso min-e kat-nen kwaroso mende bem-nen nam tak pusu-o.

MBIRIGA WENE 11:7

Alat nde, Isarael nap ennggendumu-ge li ala na irit, wam ala na irit mondok mbi sil kujwa bug-o. Iri karuk, Nagawan Indo an-nen-e Mesira nap min Isarael nap min lenak kunpusu iri-ge kenaru yugub-o’ yak kirij-o” luk yak tij-o.

MBIRIGA WENE 15:13

Kat-nen ’Irit kwat kinpimin-o’ luk tul pigen iri na ndak ndag-et kwarosolar-e, kat-nen inmiri yigen nab-e lit unpuruk mburusu-o. Kamawi nggok pem-nen nggetlel unpuruk, kat woraso sa lenak iri na me lit unpuruk mburusu-o.

MBIRIGA WENE 15:5

Kerep yi mondok yubuk tak ma mboso nggal ir-e yi koma mondok yubuk tak-nen nuruk lak tak inpij-o.

MBIRIGA WENE 15:6

Nagawan Indo wa-e. Kat kinggi kigit amawi-ge ap-nen wi yugwi-nen yusu-o. Kat kinggi-nen wim nab-e yigisa lak tak inpigen-o.

MBIRIGA WENE 18:8

Nggurug-e, Musa-nen-e abak iri na yak tosolar-e, Isarael nap inmiri yosolat Nagawan Indo-nen Mesira nagawan min Mesira nap min kwat inpidnak wene ereba na ndindera yak tosolat, iri-nen tu ndumu Isarael nap-nen anggun pagggun kil lobok yidnak wene min Nagawan Indo-nen it inmiri yidnak wene min ereba na ndindera yak tij-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 23:20

Nagawan Indo-nen yosolar-e: ”Kit mborogola, nggetlel kunpuruk mburuwakluk an-nen idnak aid nab-e nanduk kenabuwok pil lobok yumu, wok kunpuruk, o an-nen kenmanggim lud tak pigi sa kinpil mburuwa-o.

MBIRIGA WENE 23:22

Kit-nen nde at-nen yidnak yidnak kwarogolat, an-nen kenpem pidnak iri na-t kwarogola-ge, kunuwim nap oboksa inmin-e an-nen wim mbarimin-o.

MBIRIGA WENE 23:27

Yi ap ndi ap kit kindil lobok yili nab-e an-nen kwiye rak inpimin-o. Iri yosola, an naye yuwa-o. An-nen inndi nil kil tak pumu-ge, kunuwim nap oboksa kwiye-nen nggilarak mbu ndi yuwa-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

YESAYA 63:12

Nagawan Indo inggi amawi worak Musa imin nosolat, pempa at unu kek tak pogolat wolmakluk, it enlengen pem yi koma mbuguksa pyry rak pid iri na-ge ngge me worasu-o?

YEREMIA 31:11

Nde, Isarael nab-e enlem enmawi worak nap ininggiyapma-nen inmiri yosolat, wisirik inpigi-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

TUGURUK YIDNAK WENE 32:9

Alat nde, Yakup-nen wigarak yu-ge Nagawan Indo-nen at ondomok amanggim len enpamu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

YOSUA 2:9

ap mberen ya na yak ondosolar-e: ”O yu me nap oboksa-nen kit kenaye kwarat kali-o. Nde, o yu-ge ndemeret Nagawan Indo-nen abu kit kininggem pamu-o luk an-e mondok naru-o.

YOSUA 4:24

Iri kwarid iri-ge yi ap ndi ap nggweyak ma worali oboksa-nen Nagawan Indo amawi enaru yuwakluk-nen kwarij-o. Nde, kit-nen-e Nagawan Indo Kenmbal Pem Nagawan-e kek tak pogolat woralik nalik irit woragub-o” luk yak indij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.

1 SEMUEL 25:37

Nde, nene luk kup Nabal indi lak lak yid iri na kondok yosola-ge, ogwe-nen-e kwaridnak wene ereba na-ge ndindera yak tij-o. Yak tosola-ge, Nabal na-ge kugwi inndingen andi yoso kugwi mbi ebem mbij-o. Iri yosolar-e, ebe oboksa urugup yurak meya tenep limbiksa labuk yij-o.