MBIRIGA WENE 15:13 - Nanduk Ngget Tul Pidnak Wene

¹³ Kat-nen ’Irit kwat kinpimin-o’ luk tul pigen iri na ndak ndag-et kwarosolar-e, kat-nen inmiri yigen nab-e lit unpuruk mburusu-o. Kamawi nggok pem-nen nggetlel unpuruk, kat woraso sa lenak iri na me lit unpuruk mburusu-o.

MBIRIGA WENE 15:13 ပူးပေါင်းရင်းမြစ်များ

NDAK WIRIDNAK WENE 19:16

Nde, Lot na-ge indi mberen yosola karuk, aid nap mberen ya na-nen-e enabuwa-nen at ogwe min nde at ararak ndugum mberen ereya na nde ininggi tena buruk, ndemera o siri iri na ombol nggwe inpil mbiriga-o.

2 SEMUEL 15:25

Woragola, Ndaut-nen Sandok yak tosolar-e: ”Nagawan Indo-nen idnak urul pidnak wene labu mbarak iri-ge tuguruk Yerusalem pil mberer-o. Nagawan Indo-nen nde an Indingen tak nobosolar-e: ’Ndemeret tuguruk mbiri-o’ yak nuruwama, lobok yimindik, Nagawan Indo-nen idnak urul pidnak wene labu mbarak iri min at woraso o lije iri min-e kamin-er-o.

NEMIA 9:12

Nde, lengge ala-ge, nggan nggan laring tak pem lit unpuruk mborosolat, nde, kubu mborogola-ge, kanduk nggal yaya rak onposolat kwaril mbirigen-o.

NDAWI ENGGA 80:1

Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

MBIRIGA WENE 15:16

Nagawan Indo amawi enlengen-nen kagolar-e, ir-e kwiye kwarat yili-o. Kat kelem nap kat-nen wisirik inpigen nap iri ndilagola-ge, wim nab-e pak purag-e meya yusu-o.

MBIRIGA WENE 15:17

Isarael nab-e Nagawan Indo kat woraso sa kat-nen lenak pigen iri na me inmin mburusu-o. Ir-e kondobo marak iri na bem onposolat, kat kinggi-nen wirigen wi iri na me onposolat yusu-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.