MBIRIGA WENE 15:11 - Nanduk Ngget Tul Pidnak Wene

¹¹ Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

MBIRIGA WENE 15:11 ပူးပေါင်းရင်းမြစ်များ

2 SEMUEL 7:22

Nagawan Indo Mbal Pem Nagawan wa-e. Kar-e ndemeret nggok lombok-nen yusu-o. Erep kat nggal mbi worasu bug-o. Mbal Pem Nagawan-e mondok kat karig-et nak-nen yusu-o luk iri wene-ge o nanduk ereba-net nenaru rak pidnak me, nir-e nenaru-o.

1 NAGAWAN NAGAWAN-NEN KWARIDNAK WENE 8:23

tepan yosolar-e: ”Nagawan Indo Isarael nap Enmbal Pem Nagawan wa-e. Mbal pem-nen na irit, nggweyakma-nen na irit kat nggal mbi misik worasu bug-o! Kar-e kilirak inndi misiget tak puruk, tugup lak kat-nen yidnak yidnak kwatli nap enabuwa kasolat, kat-nen urul yak indidnag-e ndak ndak nak kwat onposo-o.

NDAWI ENGGA 113:5

Nagawan Indo nit Nenmbal Pem Nagawan iri nggal-e ta nggal worasu-o? At ondoro-ge teram eid me koreyak woraso-t nde,

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 136:4

At nak-net kwiye worak kwarat kwaroso-o. At-nen-e pem kundugu irit enabuwa yoso-nen yusu-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

NDAWI ENGGA 22:23

Kit Nagawan Indo aye worak woragwi nap wa-e. At nak erembel waner-o. Kit Yakup-nen-e wigarak-nen-e at nak nggok tak per-o. Kit Isarael-nen wigarak oboksa-nen-e at eram nak tud yer-o.

NDAWI ENGGA 89:18

Nagawan Indo wa-e. Nit nggetlel nonposo nab-e kat-nen lenak pigen irir-o. Nit-nen idnak nagawan-e Isarael Enmbal Pem Nagawan Marak iri na arengge-nen yusu-o.

NDAWI ENGGA 90:11

Ta nggal-nen kat kisilepma kwiye worak iri na-ge ebem mbosolat, kat kisilepma iri na-nen ndowaga eyanggo wat yidnak aru worasu-o?

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

MBIRIGA WENE 20:3

Kir-e Mbal Pem Nagawan nin mbi tena wolmomtak pug-o. Alat nde, an nak kek tak nobogolat wolmer-o.

MBIRIGA WENE 3:20

Alat nde, an namawi bem Mesira nap lak tak unpurak angin worak mende nin tak nan tak kwiye worak it enpem pil lobok yosola-n perak, at-nen-e ’Mberer-o’ luk lerak kunpuwa-o.

MBIRIGA WENE 8:10

Yosoloma, nagawan iri-nen yosolar-e: ”Kub-et tepan namanggim yurag-o” yosoloma, Musa-nen yosolar-e: ”An-e nap kat-nen nggi yigen irit kwarumu-ge kat-nen-e: ’It Enmbal Pem Nagawan iri nggal Mbal Pem Nagawan nin mbi worasu bug-o’ luk karu ma-o.

MBIRIGA WENE 8:6

Yak tosoloma-ge, Arun-nen owangun na-ge yi oboksa ambigit nuk kasoma, mangge yi ma-nen luwasolar-e, Mesira uwi oboksa yebet yij-o.

MBIRIGA WENE 9:14

Nde, yawo-nen lak tak unpurak mende pil lobok yimin iri-ge keyabu wanugwi nap min kat-nen tenagidnak wi woragwi nap min it nak enpem pimin-e lag-o. Alat nde, kat-nen an nebarosolar-e: ’At nggal mbi yi wi ndi wi worasu-ge mondok lag-et kagi
’ luk karu yonok-nen-e kat min-et kebem pil lobok yimin-o.

YESAYA 30:11

Ndak kenpe-o. Ndegera mberer-o. Kir-e Isarael nap Enmbal Pem Nagawan mondok marak iri na owene pem ndak sil pal neneyerenak worali meyog-o” luk yili-o.

YESAYA 40:18

Iri ala karug-e, Mbal Pem Nagawan-e ta nggal nde at imin ndak wurugun-o? Kat-nen-e at nggal-e ta nde kasu-o?

YESAYA 40:25

Kat-nen-e Mbal Pem Nagawan Mondok Marak iri nggal-e ta nde yik kasu-o? Kat-nen-e at imin-e ta nde ndak wurugun-o?

YESAYA 46:9

Nanduk ereba-nen kwat yid ereba na kwara kinndi yebet ker-o. An nimin-e kit-nen-e: ’Ar-e Mbal Pem Nagawan-net yusu-o. Nin mbi worasu bug-o. Ar-e Mbal Pem Nagawan-nen yusu-o. At nggal nin mbi worasu-ge lag-o’ luk yer-o.

YESAYA 6:3

It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

TUGURUK YIDNAK WENE 33:26

Isarael nap wa-e. Kit Kenmbal Pem Nagawan nggal mbal pem nagawan mbi worasu bug-o. Mbal pem-e at nak eyaya bem waring kasu-o. Kit yongga kondosolar-e, nggan nggan kuburusu-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

NAM PARA WENE 13:4

Waro iri-nen at tena woraso amawi-ge ndakngge isilepma worak iri wok tidnak pem, ap oboksa-nen waro na erembel wanogolat, ndakngge isilepma worak iri na erembel wanogolat-nen yosolar-e: ”Ndakngge isilepma worak yu imin ndak ndag-e ta-o? Ta nggal-nen at imin wim puwa-o?” luk yiga-o.

NAM PARA WENE 15:4

Nagawan Indo wa-e. Kat kaye kaso buk nab-e ta-o? Kat kunu kek tak purak isili yusu nab-e ta-o? Kat karig-et nak lenak kek tak woraso-nen yusu-o. Kat-nen lud tak nak kwaroso iri-ge ap oboksa-nen nam-et nak kali me, ap enlem oboksa kat keram lobok yuwarik, kat kerembel wanuwa-o” luk yiga-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

1 SEMUEL 2:2

Nagawan Indo nggal marak mbi mondok worasu bug-o. Kurak yurak ondoro wok ondoso Mbal Pem Nagawan iri nak worasu-o.