MBIRIGA WENE 15:1 - Nanduk Ngget Tul Pidnak Wene

¹ Iri lug-e, Musa min Isarael nap min-nen ndawi yu-ge Nagawan Indo erembel wanogolat yiga-o: Nagawan Indo-ge kek tak ombol nggwe yidnak me, at amanggim ndawi yimin-o. Kura wam min ebem kore yidnak nap inmin-e oboksa yi koma arem mbo inpil nggwij-o.

MBIRIGA WENE 15:1 ပူးပေါင်းရင်းမြစ်များ

NEMIA 9:11

Kat-nen kilirak enmanggim tu kuwarak posolar-e, yi koma pirisa nderak pigenma, ogorak nggilarak nggwe unuwok piri ret lak ele bem inpil ndil laigen-o. Nde, it muk eneyagwi nab-e yubuk tak ma kerep mboso nggal yi ma yubuksa mberak inpigen-o.

NDAWI ENGGA 105:43

At-nen at ilirak ndegel unpuruk mborosola, enalen min-et mborogolat, nde, at-nen len inpidnak nap lit unpuruk mborosola, enalen-nen kek kok pem-et mbiriga-o.

NDAWI ENGGA 107:15

Nagawan Indo-nen it enabuwa kasolat, at-nen nggweyakma nap enmanggim kwiye worak mende kwarat kwarosolat kwaroso bem it-nen at wiwa-o yak turak iri-ge ndak-net yusu-o.

NDAWI ENGGA 107:8

Nagawan Indo-nen it enabuwa kaso bem min nggweyakma nap enmanggim wi yurak mende kwat onposo bem min it-nen-e at imin wiwa-o luk yak turak iri-ge ndak-net yusu-o.

NDAWI ENGGA 32:7

Kar-e an kurak yoso nondoro-nen yusu-o. Kat-nen-e anggun panggun arem-nen nimiri yoso-o. Kat-nen an nimiri yidnak pem an-e mondok nalin nalen kwarat yusu-o.

MBIRIGA WENE 14:26

Nagawan Indo-nen Musa yak tosolar-e: ”Kinggi-ge yi koma ambigit ndimirik wolmin-o. Iri yosola-ge, yi-ge tuguruk amnuk yosolar-e, Mesira nap min onnggweyak koma min ebem kore yidnak nap min yi-nen yemen unpuwa-o” yij-o.

MBIRIGA WENE 14:27

Iri yosoloma, Musa na-ge inggi-ge yi koma ambigit nuk karuk worala-ge, o kil posola-ge, yi na-ge tuguruk ondolma amnuk yij-o. Nde, Mesira nap yeba na-ge mburuwog-o luk enmawi kundiga-t nde, Nagawan Indo-nen yi koma arem yubuksa lak tak inpij-o.

MBIRIGA WENE 15:21

Miriam-nen ndawi imid lit karik-nen yosolar-e: ”Nagawan Indo-ge ombol nggwe yidnak amawi worak kek tak me, kura wam min ebem kore yidnak nap min oboksa yi koma arem mbo inpil nggwidnak pem ndawi-ge Nagawan Indo ebem nak ngarer-o” yij-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

YESAYA 42:10

Nagawan Indo ebem ndawi ngget misik ngarer-o. Yi wi ndi wi oboksa wa-e. At nak erembel waner-o! Yi koma min arem woraso mende oboksa min wa-e. At erembel wanogolat kene o nggu nggal lek ker-o! O erepma min iri me woragwi nap min wa-e. At nak erembel waner-o!

OSEA 2:17

An-nen-e Mbaal unnu tuguruk yuwa naru, mondok imiri mbarak worasola, ap-nen-e Mbaal unnu-ge meme rak puwa-o.

ABAKUK 3:18

Nagawan Indo kar-e an nimiri yoso Nembal Pem Nagawan me, an-e pempa nalen nak kasolat woramin-o.

KOLOSE 2:15

E lang pang tak na bem-e Kerisut-nen-e pemerinta min enmawi worak ese mendak inpidnak min nggeyok tak inpij-o. Iri lug-e, at urugwe nggwe rak unpuruk, ap pidsa enlengen pem imbirik tak unpuruk mbirij-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.