MBIRIGA WENE 14:4 - Nanduk Ngget Tul Pidnak Wene

⁴ An-nen-e Mesira nagawan iri na indi amawi rah pumu, kit muk kiniyujwa-t nde, an-nen-e Mesira nagawan iri min at-nen idnak esan ombo ereba min an namawi mirik onposola, it-nen-e an nimin-e ’Ar-e ndemeret Nagawan Indo-net yusu-o’ luk enaru ma-o” yak tij-o. Yosoloma-ge, it Isarael nap ereba na-ge Mbal Pem Nagawan-nen yak indidnak ereba na ndak ndag-et kwariga-o.

MBIRIGA WENE 14:4 ပူးပေါင်းရင်းမြစ်များ

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

MBIRIGA WENE 10:2

Iri kwarigi iri-ge, an-nen Mesira nap kwiye worak mende bem lel unpusu yu na kat-nen-e kelirak min it-nen ndaguwa min enaru rak posolat, kit oboksa-nen kenaru yogolar-e, an nimin-e ’Ar-e Nagawan Indo-nen yusu-o’ luk kenaru yobokluk-nen kwarigi-o” yak tij-o.

MBIRIGA WENE 10:27

Nde, Nagawan Indo-nen nagawan iri na indi amawi rak posola, at-nen Isarael nap iri na lerak unpurag e larok yij-o.

MBIRIGA WENE 12:28

Iri lug-e, it na mbirigarig-e, Nagawan Indo-nen ”Irit kwarurag-o” luk Musa min Arun min yak indid ereba na-t kwariga-o.

MBIRIGA WENE 14:23

Iri yogola-ge, Mesira nap unkura wa oboksa min onnggweyak koma min ebem koreyak ereba min-e Isarael nap inmbirik muk iniyil iniyil yi koma enggendumu nggwiga-o.

MBIRIGA WENE 14:25

Nagawan Indo-nen-e Mesira nap onnggweyak koma owak ereba na meya rak pamu, mbururak siri mbarogolat-nen yogolar-e: ”Yu-ge Nagawan Indo-nen Isarael nap ondolmasa nit nendeyekluk amawi kundusu kaige-o. Yu me-nen mondok mburuwog-o!” luk yiga-o.

MBIRIGA WENE 14:3

Mesira nagawan iri na-nen perasolar-e: ’It Isarael nap o yeba waring kali iri-ge abog-e nembaga ereba me kabak ma-o’ luk yebet kujwa-o.

MBIRIGA WENE 14:5

Mesira nagawan iri na-nen kulidnggal-e: ”Isarael nap yeba na-ge kwiye-nen mbiriga-o” yogola kulurug-e, Pirayon min at eyabu wanugwi nap min-nen-e niri nera keya inpikma mbiriga-o luk-nen yogolar-e: ”Nir-e no kwarige-o? Noluk-nen nir-e Isarael nap iri-ge keya onpogola, mbirikma nit ndegel nunpurak nab-e nendam lak worali yu-ge ngge-o?” luk yiga-o.

MBIRIGA WENE 14:8

Ndemeret Nagawan Indo-nen Mesira nagawan iri na indi amawi rak puruk, Isarael nap na-ge Nagawan Indo-nen lit iniyuruk mborosola, Pirayon-nen-e inmbirik muk eneyagaij-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

MBIRIGA WENE 7:17

Nagawan Indo-nen yu nggal yij-o: ’An-nen kwarimin iri bem-nen an nimin-e ar-e Nagawan Indo-nen yusu-o luk karu ma-o.’ Wangun ninggem yu bem-nen yi lel kamu, yi eyabi worak ma-o.

MBIRIGA WENE 7:3

Alat nde, an nen nagawan iri-ge indi amawi rak posola, lak tak unpurak mende kwarat Mesira iri me enpem pimin-et nde, at-nen-e kat kene-ge ’No wene yusu?’ nggal tak puruk indi amawi irit ma-o.

MBIRIGA WENE 7:5

an-nen Mesira nab-e angin worak enpem puruk, Isarael nab-e Mesira-nen wok unpuruk mborosola-ge, it Mesira nap-nen neberagolar-e: ’Ndemeret Nagawan Indo-nen yusu-o’ luk enaru ma-o” yij-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

OROMA 11:8

Mbal Pem Nagawan engga mbarak pem-nen yosolar-e: ”Mbal Pem Nagawan-nen it inndi min yebet kagwi min yimil mbid tak enpamu, yawo na it enlengen-nen kagit lak, it eneyanggo-nen na kuligit lak irit worali-o” luk yij-o.

OROMA 9:17

Mbal Pem Nagawan engga mbarak pem at-nen Pireon yak tosolar-e: ”An-nen mendak kibigi yu-ge an namawi kat kebem-nen nam tak posolat, an nunu yi wi ndi wi wigarak posolat yonokluk-nen mendak kubukmu-o” luk yij-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

WENE MBENARUGWI NAP-NEN KWARIDNAK WENE 4:7

Nde, an-nen-e Yabin-nen idnak san ombo onowe Sitera iri kwarak obosolar-e, kit kinmin wim purak Yi Kison arem nggwe san ombo min wim timbiril mburugwi nggweyak koma min-et kinmin wim purak inpil lobok yimin-o. Alat nde, wim nggogolar-e, an-net ombol nggwe rak kibimin-o’ yij-o” luk yak tij-o.