MBIRIGA WENE 14:29 - Nanduk Ngget Tul Pidnak Wene

²⁹ Alat nde, Isarael nap na ndilagolar-e, yi koma na-ge ogorak nderak nggwe ndiliga-o. Ndilagola-ge, yi na-ge ponok ponok pak nggal nggaserak worala ndiliga-o.

MBIRIGA WENE 14:29 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:8

Eneyarok woragola-ge, Elia-nen-e usum iri na yonggora keya buruk, linggisa keya buruk, yi iri na ombolwak pem lel kagaij-o. Iri yosola-ge, yi iri na-ge enggendumu poksa pirisa labuk yosola-ge, at min Elisa min-e ogorak nggwe ndil laiga-o.

NEMIA 9:11

Kat-nen kilirak enmanggim tu kuwarak posolar-e, yi koma pirisa nderak pigenma, ogorak nggilarak nggwe unuwok piri ret lak ele bem inpil ndil laigen-o. Nde, it muk eneyagwi nab-e yubuk tak ma kerep mboso nggal yi ma yubuksa mberak inpigen-o.

NDAWI ENGGA 136:13

Yi Nggelaga koma-ge enggendumu mbara piri rak pamu-o. At-nen-e pem kundugu irit enabuwa yoso-nen yusu-o.

MBIRIGA WENE 14:22

Iri yosolar-e, yi koma na-ge poksa mberen kwat yij-o. Yi pirisa mberen kwat yid iri na-ge it enmanggim pak nggal ponok ponok nggaserak worala ogorak nggwe ndiliga-o.

MBIRIGA WENE 15:19

Isarael nap yi koma ndilagolar-e, ogorak nggwe ndiliga-o. Alat nde, Mesira nab-e onggweyak koma min unkura wam min ebem kore yidnak nap min-e yi koma arem nggogola-ge, Nagawan Indo-nen yi na-ge tuguruk ondolma rak posola, yi ma yubuk yiga-o.

MBIRIGA WENE 15:8

Kat-nen yi na pu yosola, yi yonggwera keya bosola, teram nggwe ket mbet laruk, pak nggal nggaseluk keya bosoma, ondoro nggwe-ge nugwi nde kwat yoso-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

1 KORINTUS 10:1

Nanggamirak wa-e. Nenlawingga-nen kwaridnak iri-ge kir-e yebet yebet tak wolmomtag-e nindingen-o. Nggan nggan iri-nen it nggetlel unpuruk mborosola, ir-e ob-et yi koma na mbara ndil laiga-o.

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.