MBIRIGA WENE 14:26 - Nanduk Ngget Tul Pidnak Wene

²⁶ Nagawan Indo-nen Musa yak tosolar-e: ”Kinggi-ge yi koma ambigit ndimirik wolmin-o. Iri yosola-ge, yi-ge tuguruk amnuk yosolar-e, Mesira nap min onnggweyak koma min ebem kore yidnak nap min yi-nen yemen unpuwa-o” yij-o.

MBIRIGA WENE 14:26 ပူးပေါင်းရင်းမြစ်များ

MBIRIGA WENE 1:22

Iri ala karug-e, nagawan iri na-nen wene wirik posolar-e: ”Iberani kweyap-nen li ap nde ndakola-ge, mondok yi Nil su bem unpurag-o. Nde, kwe ndakola iri-ge parugu wolmomtag-o” luk at nap Mesira woragwi oboksa yak indij-o.

MBIRIGA WENE 14:16

Wangun wanugundik, yi koma ambigit nuk karuk wolmin-o. Iri yosola, yi koma iri-ge poksa ena nggwe piri, abam nggwe piri yuwa-o. Iri yuwama, Isarael nab-e ogorak nggwe ndilujwa-o.

MBIRIGA WENE 15:1

Iri lug-e, Musa min Isarael nap min-nen ndawi yu-ge Nagawan Indo erembel wanogolat yiga-o: Nagawan Indo-ge kek tak ombol nggwe yidnak me, at amanggim ndawi yimin-o. Kura wam min ebem kore yidnak nap inmin-e oboksa yi koma arem mbo inpil nggwij-o.

MBIRIGA WENE 15:4

Mesira nap san ombomin onnggweyak koma min yi koma arem mbo inpil nggwij-o. Wim wari mondok enmawi worak yeba na-ge yi Nggelaga koma arem yubuksa lak tak inpij-o.

MBIRIGA WENE 7:19

Iri luk, Nagawan Indo-nen Musa yak tosolar-e: ”Arun iri yak ti-o. Wangun iri wanuruk inggi-ge Mesira iri me yi oboksa ambigit min inid mborop ndimiril lobok yidnak ereba min inid ugup ereba min ambigit nuk kujwag-o. Iri yosola-ge, yi oboksa min Mesira nggweyak oboksa min ereba me-ge e-nen konidnak yimbe min nggweyak-nen konidnak yimbe min arem na oboksa eyabi worak ma-o” yij-o.

MBIRIGA WENE 8:5

yuruk, Nagawan Indo-nen Musa yak tosolar-e: ”Arun yak ti-o. Owangun iri yi oboksa ambigit, yi mborop ndimiril lobok yidnak min inid ugup oboksa min ambigit ndimirik puwag-o. Iri yosola, mangge yi ma-nen luwasolat, Mesira uwi oboksa mangge-nen kobong ma-o” yak tij-o.

MATIUS 7:2

Nde, kit-nen ap enpem wene mbarugup iri na bem-net Mbal Pem Nagawan-nen kit kenpem wene mbaruwa-o. Nde, kit-nen ap ndak wat unpugup iri na bem-net Mbal Pem Nagawan-nen kit ndak wat kunpuwa-o.

MATIUS 8:27

Iri kwarosoloma-ge, ap iri na wi luk-nen yogolar-e: ”Ap yu-ge no nap kali-o? Obube min yi koma min-et nde at-nen yidnak wene kuluruk, at-nen yidnak yidnak nak kwarij-o!” luk yiga-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

NAM PARA WENE 16:6

It iri-nen-e Mbal Pem Nagawan ilirak min Mbal Pem Nagawan ene lomboksa yugwi nap min eneyabi wirik pidnak me, yawo it-nen nujwakluk, kat-nen yabi mak indigen iri-ge it kwat unpurak ndag-et kwat inpigen-o!” luk yosola, kuligi-o.