MBIRIGA WENE 14:21 - Nanduk Ngget Tul Pidnak Wene

²¹ Iri sa woragolar-e, Musa-nen-e yi koma ambigit inggi ndimirik posola-ge, Nagawan Indo-nen-e mo luwaso (timur) nggwe-nen o wija mondok amawi worak irit pil lobok yamu, tag-et kubu iri-ge puk kerenak woralar-e, yi koma na-ge puk kaga ogorak nak nde rak pij-o.

MBIRIGA WENE 14:21 ပူးပေါင်းရင်းမြစ်များ

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

2 NAGAWAN NAGAWAN-NEN KWARIDNAK WENE 2:8

Eneyarok woragola-ge, Elia-nen-e usum iri na yonggora keya buruk, linggisa keya buruk, yi iri na ombolwak pem lel kagaij-o. Iri yosola-ge, yi iri na-ge enggendumu poksa pirisa labuk yosola-ge, at min Elisa min-e ogorak nggwe ndil laiga-o.

NEMIA 9:11

Kat-nen kilirak enmanggim tu kuwarak posolar-e, yi koma pirisa nderak pigenma, ogorak nggilarak nggwe unuwok piri ret lak ele bem inpil ndil laigen-o. Nde, it muk eneyagwi nab-e yubuk tak ma kerep mboso nggal yi ma yubuksa mberak inpigen-o.

AYUP 38:24

Kar-e molengen kona pil wasu erem-e karu, lak? O wija mo luwaso (timur) nggwe-nen lobok yoso iri-ge erem-e kar-e karu, lak?

NDAWI ENGGA 136:13

Yi Nggelaga koma-ge enggendumu mbara piri rak pamu-o. At-nen-e pem kundugu irit enabuwa yoso-nen yusu-o.

NDAWI ENGGA 148:8

Pinel min talme engen min pyry min nggan nggan min Nagawan Indo-nen yidnak pem o wija amawi worak puk kaso min wa-e. At nak erembel waner-o!

MBIRIGA WENE 14:16

Wangun wanugundik, yi koma ambigit nuk karuk wolmin-o. Iri yosola, yi koma iri-ge poksa ena nggwe piri, abam nggwe piri yuwa-o. Iri yuwama, Isarael nab-e ogorak nggwe ndilujwa-o.

MBIRIGA WENE 14:20

nggan nggan iri na-nen-e Isarael nap min Mesira nap min ennggendumu ndamuk tak pamu, kubu iri-ge Mesira nap min Isarael nap min-e lambuk yurag-e meya irit woraiga-o.

MBIRIGA WENE 15:8

Kat-nen yi na pu yosola, yi yonggwera keya bosola, teram nggwe ket mbet laruk, pak nggal nggaseluk keya bosoma, ondoro nggwe-ge nugwi nde kwat yoso-o.

MBIRIGA WENE 7:19

Iri luk, Nagawan Indo-nen Musa yak tosolar-e: ”Arun iri yak ti-o. Wangun iri wanuruk inggi-ge Mesira iri me yi oboksa ambigit min inid mborop ndimiril lobok yidnak ereba min inid ugup ereba min ambigit nuk kujwag-o. Iri yosola-ge, yi oboksa min Mesira nggweyak oboksa min ereba me-ge e-nen konidnak yimbe min nggweyak-nen konidnak yimbe min arem na oboksa eyabi worak ma-o” yij-o.

YESAYA 43:16

Nagawan Indo-nen tula yagosolar-e, yi koma mondok saberep mbaberep lobok yusu iri na nggwe-t yagij-o.

YESAYA 44:27

An-nen yi koma yak tosolar-e: ’Eberek yi-o! Kat-nen idnak yi ulusu ereba na eberek tak pimin-o’ luk yak toso-o.

YESAYA 50:2

Noluk-nen an lobok yosolat wene mbo onposola-ge, an nilirak ennggendumu-nen-e ap misiger-o luk mbi-nen nene erep nggarigit lag-o? It enne lak yiga iri-ge it-nen peragolar-e: ’At-nen-e wisirik nonposolat, ninmiri yosolat yurag-e amawi lag-o’ luk-nen enne lak yiga? Alat nde, ndemerer-e an-nen yidnak pem-e yi koma eberek tak posolat, yi oboksa ogorak nak ngguru rak posolat, yi lak-nen ndowaga keyane oboksa emben to yosolat kwarurag-e ndag-o.

YESAYA 63:12

Nagawan Indo inggi amawi worak Musa imin nosolat, pempa at unu kek tak pogolat wolmakluk, it enlengen pem yi koma mbuguksa pyry rak pid iri na-ge ngge me worasu-o?

YESAYA 63:13

It lit unpuruk, yi pyry rak nggwe-t nde, ndil lasolat, kura wam nembaga nggwe mborosolat nggal, it unuwok pijaksa na mbud yigit lak inmin mbirid Nagawan Indo iri na-ge ngge me worasu-o?” luk yiga-o.

ABAKUK 3:8

Nagawan Indo wa-e. Kar-e yi koma ala kisilepma yusu-a? Yi-nen kar-e kisilepma rak pusu-a? Kat-nen kilirak ombol nggwe rak enpeyeklug-e, nggan nggan-e wim tumburugwi kura min wim koma min nggal tak puruk, ebem kore yigen-o.

YIDNAK YIDNAK WENE 7:36

At iri-net it lit eneyaruk mborosolar-e, Mesira-nen na irit, Yi Erengen Mimi arem-nen na irit, karu me-nen na irit, molengen lasolat mbosolat empat pulu (40) worasolar-e, kwiye worak mende min kagwi buk mende min kwarosolat woragaij-o.

YOSUA 2:10

Kir-e Mesira-nen lobok yogola, yi Nggelaga Koma-t nde kenabuwok Nagawan Indo-nen eberek tak pid wene min iri-nen Amori nap nagawan mberen Sikon min Ok min Yareren eyak ponok mo luwaso (timur) ambigit woragwi indigep wene min nir-e abu kulige-o.

YOSUA 4:23

Kit ndegera eyak ponok nggwe ndil womakluk, Nagawan Indo Kenmbal Pem Nagawan-nen kit kenmanggim Yi Yareren yu eberek tak pamu-o. Iri kwarid iri-ge nit nenmanggim Telaga Koma eberek tak pid iri na nggal-et kwarij-o luk yak undurag-o.