MBIRIGA WENE 14:13 - Nanduk Ngget Tul Pidnak Wene

¹³ Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 14:13 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 46:3

Mbal Pem Nagawan-nen yosolar-e: ”An-e Mbal Pem Nagawan, kat keid-nen kek tak noboso Mbal Pem Nagawan-nen yusu-o. Kar-e Mesira mbururak kwiye yurak pug-o. An-nen-e kat-nen wigarag-e o iri me-nen-e ap elem nggok misik kwarak pimin-o.

NDAK WIRIDNAK WENE 49:18

Nagawan Indo wa-e. An-e kat-nen nimiri yurak irit towarak worasu-o.

2 NAGAWAN NAGAWAN-NEN KWARIDNAK WENE 6:16

Yosoloma, Elisa-nen onggo yosolar-e: ”Kwiye kasu-ge meyog-o. Nit nenambigit yidnag-e kwarat worali-o. Nde, it enambigir-e marig-et nak-nen yusu-o” luk yak tij-o.

NEMIA 9:9

Nanduk Mesira woragolat-nen nonmborak-nen anggun panggun woragola-ge, eneyaigen-o. Teberau Koma eyak pem woragolat-nen yip tiga-ge kat-nen-e enne kuligen-o.

NDAWI ENGGA 91:8

Kar-e keralu inggi inggi ereba na yik kagun nggal-e, meya yugwi nab-e it-nen kwaridnak pem onggo ondogola, kagun-o.

MBIRIGA WENE 14:30

Iri tarem-e Nagawan Indo-nen-e Isarael nab-e Mesira nap ininggem-nen inmiri yij-o. Nde, Mesira nap yi-nen worak inpid ereba na-ge yi eyak pem liring kil lobok yamu, it enlengen-nen kaiga-o.

MBIRIGA WENE 20:20

Yogolikma, Musa-nen yak ondosolar-e: ”Kwiye kali-ge meyog-o. Kit-nen meya kwarigit lak, tugup lak worabokluk Mbal Pem Nagawan-nen kinndi kudtak pem nak lobok yusu-o” luk yak indij-o.

YESAYA 30:15

Nagawam Indo Mondok Kek tak, Isarael nap Enmbal Pem Nagawan mondok marak iri na-nen at ilirak yak ondosolar-e: ”Kir-e meya kwarugwi keya buruk, wene lak kindiyabu wolmer-o. Iri kwarogola-ge, an-nen kinmiri-t yimin-o. Kit-nen nde yamuksa-t woragolat an nebem-et kinndi wat tak puruk woragola-ge, an-nen amawi rak kunpurak worala-t nde, kit-nen-e kinsili yili-o” luk yak indij-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 43:11

Nagawan Indo-ge an narig-et worasu-o. Kinmiri Yoso Nap misik mbi worasu-ge lag-o.

YESAYA 7:4

Nde, kat-nen-e yu nggal yak ti-o: ’Kar-e kwiye yilik, kindi kabak yilik iri-ge yurak pug-o.’ Nagawan Peka min Nagawan Eresin min at-nen idnak esan ombo Siria nap inmin-nen insilepma yili iri-ge kan ondom ndom mberen kule lasolat woraso iri nggal me, it iri-nen kunduwa-ge lag-o.

OSEA 1:7

Alat nde, it enlem Yewura nab-e enabuwa kamin-o. Nagawan Indo it Enmbal Pem Nagawan an-nen inmiri yimin iri-ge it inmiri wim mbarosolat, yalawi bem-nen san pem-nen kura wam pem-nen kura wam ombol pem koreluk mburugwi nap enpem-nen inmiri yimin-e lag-o” luk yij-o.

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

OSEA 13:9

Kenlem Isarael nap wa-e. An-nen-e kir-e yigisa lak tak kinpimin-o. Iri kwat konposola-ge, ta-nen yongga kunduwa-o?

ABAKUK 3:13

Kar-e kat kilirak wisirik unpurak mborosolat, kat-nen lenak pidnak nagawan imiri yosolat kwareyekluk mborosolat worasu-o. Kat-nen-e meya yugwi nap tu lit eneyaso nab-e wosa mbud tak ibigen-o. At imbirik nugwi nab-e kat-nen pusa lak tak inpigen-o.

ABAKUK 3:8

Nagawan Indo wa-e. Kar-e yi koma ala kisilepma yusu-a? Yi-nen kar-e kisilepma rak pusu-a? Kat-nen kilirak ombol nggwe rak enpeyeklug-e, nggan nggan-e wim tumburugwi kura min wim koma min nggal tak puruk, ebem kore yigen-o.

WONARIDNAK WENE 14:9

Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

1 SEMUEL 11:13

Alat nde, Saul-nen yosolar-e; ”O yawo-ge Nagawan Indo-nen Isarael nap inmiri yidnak tarem me, yawo yu tarem-e ap mondok undurak pug-o” luk yij-o.

1 SEMUEL 12:16

Nde, yawo-ge tuguruk kwara koler-o. Nde, kir-e Nagawan Indo-nen kenlengen pem wi yurak mende kwaruwa ereba na-ge kwara yebet kagolat wolmer-o.