MBIRIGA WENE 13:5 - Nanduk Ngget Tul Pidnak Wene

⁵ Nagawan Indo-nen Kanaan nap min Et nap min Amori nap min Ewi nap min Yebus nap min unuwi nggweyak konmborak owak mbara yarik wok indid wi yi mende ndi mende na kwarat, nggweyak na amburu worak iri na me Nagawan Indo nen wok kunpuruk mburuwama woragolar-e, pempa olengen ndak wosa waneya Abib yu bem-e kir-e oroti lomboroso mende pigit lak oroti woraga nonggolat woragup na-e.

MBIRIGA WENE 13:5 ပူးပေါင်းရင်းမြစ်များ

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

MBIRIGA WENE 12:24

Nde, kit-nen na irit, kinlirak-nen na irit ’Irit kwarurag-o’ luk watsa yak kindigi wene yu-ge woragolar-e, pempa yidnak yidnak irit kwarogolat woragup na-e.

MBIRIGA WENE 13:10

Oroti lomboroso mende pigit lak oroti nunggwi tarem yu-ge tanggal wat tak pidnak iri na bem lud yosola-ge, olengen ndak wosa sakolat wolmer-o” yak indij-o.

MBIRIGA WENE 13:11

Musa-nen Isarael nap yak ondosolar-e: ”Nagawan Indo-nen kit konmborak inmin owak mbara yak kindidnak wi iri me kinmin mburuwama, nggweyak iri nde kit winde luk woragolar-e,

MBIRIGA WENE 3:17

Nde, an-e it anggun panggun tak inpili Ia Mesira-nen lesa wok unpuruk, o nggweyak na amburu worak, yi mende ndi mende na kwarat sa mbi me wok unpuruk mbururak wat tak pigirik worasu-o. Nde, o iri me-ge Kanaan nap min Et nap min Amori nap min Peris nap min Ewi nap min Yebus nap min unuwi nggweyag-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

MBIRIGA WENE 33:1

Nagawan Indo-nen Musa yak tosolar-e: ”Yu me keyab buruk, kat-nen Mesira-nen inmin lobok yigen nap iri inmin luk, Abarakam min Isak min Yakup min it-nen wigarak min ’Wok kindimin-o’ luk urul yak indigi sa iri na me mberer-o.

MBIRIGA WENE 34:11

An-nen imiri mbarak pidnak wene yawo wok kundusu yu-nen yidnak yidnag-et kwarurag-o. An-nen-e Amori nap min Kanaan nap min Et nap min Peris nap min Ewi nap min Yebus nap min inmin kit nde wim nggogola-ge, ananen wirik inpimin-o.

MBIRIGA WENE 6:4

An-e it inmin-e urul pi-net yak undukmu-o. An-nen urul yak ondosolar-e: ’Kit nanduk ap sal nggal woraigep sa o Kanaan iri-ge kir-e wok kindimin-o’ luk urul yak undukmu-o.

MBIRIGA WENE 6:8

An-nen Abarakam min Isak min Yakup min nggweyak yu wok kindimin-o luk owak mbara urul yak indigi nggweyak iri-ge kit wok kundumu pem mondok kit kunuwi nggweyak irit wolma-o. An-e Nagawan Indo-nen yusu-o’ yak ender-o” yij-o.

WONARIDNAK WENE 11:12

An-nen it yu-ge an narem wok unpuruk nigirik, ndet inpigi-a? Noluk nen kar-e an nebem posolar-e: ’Li yaruk unpuruk nugwi nap-nen li marik yaruk unpuruk nugwi nggal pempa yaruk unpuruk nak an-nen nanduk it onmborak urul yak indigi sa iri na me-t inmin mbiri-o’ yak nirigen-o?

WONARIDNAK WENE 13:27

Iri yogolat, it-nen Musa yak togolar-e: ”Nit o iri limbinigerig-e, nggweyak na amburu worak, yi mende ndi mende na mondok kwarat kaige-o. Nde, iri me-nen waruk lobok yige engen mariger-e yebar-o.

WONARIDNAK WENE 14:16

’At elem nab-e ap lak ma ereba-nen lit unpuruk urul yak indidnak sa inmin nggurak amawi lak ala karuk, indij-o’ luk yak kuruwa-o.

WONARIDNAK WENE 14:30

kir-e nembaga yeba wat yugupmu, konowag-e yeba me-t nggilara mbuwa-o. Kalep min Yosua min it nak o an-nen urul yak kindigi iri na me-ge mburuwa-o. Nde, kit erep erep olengen dua pulu ombol nggwe woraidnak iri-ge nggugup pug-o.

TUGURUK YIDNAK WENE 12:29

Musa-nen yosolar-e: ”Nde, Nagawan Indo Kenmbal Pem Nagawan nen-e o iri me woragwi nab-e mondok lak tak unpuwama, kir-e o iri me kore yil nggugupndik woragub-o.

TUGURUK YIDNAK WENE 26:1

Musa-nen yosolar-e: ”Kit nde Nagawan Indo Kenmbal Pem Nagawan-nen kunduwa o iri na me nggugupndik woragolar-e,

TUGURUK YIDNAK WENE 7:1

Musa-nen yosolar-e: ”Nagawan Indo Kenmbal Pem Nagawan-nen-e o kit pim wolmomtak sa urul yid iri na me kinmin mburuwa-o. Iri yosolar-e, iri me woragwi nap enlem kwarat maga wirik unpuwa-o. Kit kenlengen pem-et ir-e kenpe na marig-et, kenmawi na lag-et nde, ap enlem tuju mondok terak minik nggok, enmawi worak irit maga wirik unpuwa-o. Nde iri-ge Et nap min Nggirigasi nap min Amori nap min Kanaan nap min Peris nap min Ewi nap min Yebus nap min irit sera wirik unpuwa-o.

YOSUA 24:11

Iri lug-e, kir-e Yi Yareren mbatluk, Yeriko wok yogola-ge, Yeriko nap-nen kinmin wim mbariga-o. Iri nggal-et, Amori nap min Peris nap min Kanaan nap min Et nap min Nggirigasi nap min Ewi nap min Yebus nap min-nen kinmin wim mbariga-t nde, an-nen it pidsa urugwe nggwe rak unpuruk, kir-et ombol nggwe rak kinpigi-o.