MBIRIGA WENE 13:3 - Nanduk Ngget Tul Pidnak Wene

³ Musa-nen Isarael nap yak ondosolar-e: ”Nagawan Indo inggi amawi kwarat pem anggun panggun tak kunpugwi sa Mesira-nen wisirik kinpidnak tarem yu pempa yebet kagolar-e, oroti lomboroso mende pigit lak oroti iri nak woraga nonggolat wolmer-o.

MBIRIGA WENE 13:3 ပူးပေါင်းရင်းမြစ်များ

NDAK WIRIDNAK WENE 15:16

Kat-nen wigarak komborag-e ap tab-e empat wat luk-nen it-nen ndaguwa iri-nen o yu me-ge tuguruk lobok yuwa-o. Nde, it Amori nap iri-ge it-nen meya kwarat kwarogola, enpem angin worak mende pigit lak awo worala-ge, wirik inpimin pug-o” luk yak tij-o.

NEMIA 1:10

Nagawan Indo wa-e. Nit yu-ge kat ndegel kubugwi nap, kambik kilirak-nen yili-o. Nde, kat kumbunu kamawi kwiye worak iri na bem-nen ninmiri yigen-o.

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

NDAWI ENGGA 105:5

Nagawan Indo ndegel oboso nap Abarakam-nen wigarak wa-e. At-nen lenak pidnak nap Yakup-nen wigarak wa-e. At-nen kwiye worak mende kwarid mirid ereba na-ge kinndi yebet yebet tak wolmer-o. At-nen wat tak pidnak wene-ge meme rak purak pug-o.

NDAWI ENGGA 114:1

Isarael nap Mesira iri me-nen lesa mborogola-ge, Yakup-nen wigarak ereba na ap unuwi iri na keya buruk mborogola-ge,

NDAWI ENGGA 136:11

Isarael nab-e Mesira-nen wesera wok unpuruk lobok yamu-o. At-nen-e pem kundugu irit enabuwa yoso-nen yusu-o.

NDAWI ENGGA 136:12

Iri yosolar-e, at inggi amawi bem erabit umbunu bem irit wok unpuruk lobok yamu-o. At-nen-e pem kundugu irit enabuwa yoso-nen yusu-o.

NDAWI ENGGA 89:14

Kat-nen ndemeret mot mot kwaroso min kat-nen kwarurag-o luk wat tak pidnak wene min iri-ge kat-nen tenagidnak wi paro-nen yusu-o. Kat-nen enabuwa kaso min mot mot tugup lak woraso min-e kat-nen kwaroso mende bem-nen nam tak pusu-o.

MBIRIGA WENE 12:15

Nagawan Indo-nen yosolar-e: ”Kir-e oroti lomboroso mende pigit lak woraidnak oroti iri nak nonggolar-e, tuju tarem wolmomtag-o. Nde, mondog-et tel korogolar-e, oroti lomboroso mende-ge mondok kenma-nen oboksa pendega mbo ber-o. Ta-nen nde tuju tarem woragolat iri-nen nde oroti lomboroso mende pidnak oroti ninggidnak ala-ge, iri-ge an nelem nab-e wolma bug-o.

MBIRIGA WENE 12:17

Nde, iri tarem-e kelem nap oboksa Mesira-nen wok kunpuruk mbiridnak iri bem-e pempa ap pem lud woragolar-e, olengen misik pem-e wok kunpuruk mbiridnak tarem iri-ge kit-nen yebet kagolar-e sakolat woragup na-e.

MBIRIGA WENE 12:2

”Waneya yawo yu-ge pempa olengen misik arem nggogolar-e kit-nen tanggal worarik waneya kwat yij-o.

MBIRIGA WENE 12:41

Nde, olengen empat ratus tiga pulu (430) iri arem waneya woroksiyem iri na arem tanggal nggoboksa-ge Nagawan Indo elem nap ap kere kwarat ereba na-ge Mesira wi keya buruk mbiriga-o.

MBIRIGA WENE 12:42

Kubu it mbiriga tarem-e Nagawan Indo-nen Mesira wi-nen it wok unpuruk mbereyekluk yik karok woragij-o. Nde, kubu it mbiriga tarem-e pempa ap pem lud woragolar-e, Nagawan Indo amanggim lenak pidnak yebet kagwi tarem-o. Nde, kubu iri tarem-e Isarael nab-e unluk nak irit woragwi-o.

MBIRIGA WENE 12:8

Nde, wam-e wurugup tarem kubu irit kan ngen pem nak kona woraga keya burug-e, oroti lomboroso mende pigit lak woraidnak oroti min mbingga ngari worak mende min mondok norag-o.

MBIRIGA WENE 13:14

Abok-nen kinlirak-nen kin wok konpogolar-e: ’Yeba-ge ebe-ge ngge kwarag-o?’ luk kin wok konpogola-ge, kit-nen onggo-ge yu nggal yurag-o: ’Nagawan Indo amawi worak iri na bem-nen anggun panggun tak nunpugwi sa Mesira-nen wesera wok nunpuruk lobok yamu-o.

MBIRIGA WENE 13:9

Oroti lomboroso mende pigit lak oroti nunggwi tarem yu-ge yenggerak purak mende ininggi bem min inmbiriwak pem min kamarak pugwi nggal kwat ma-o. Nde, Nagawan Indo-nen amawi kwarat pem kir-e Mesira wi-nen wisirik kinpidnak me, iri yidnak tarem yebet kagola-ge, iri-nen yeberak konposolar-e, Nagawan Indo-nen ’Irit kwarurag-o’ luk wat tak pidnak wene yogolat, kwara kenaru yogolat woragup na-e.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 20:8

An we woragi tarem iri-ge yebet kagolar-e, ’Iri Tarem-e at amanggim lenak pidnak-nen yusu-o’ luk nggok tak purag-o.

MBIRIGA WENE 23:15

’Iri kwarurag-o’ luk wat tak pidnak tarem waneya nandug-et (Abib) iri bem-e kir-e Mesira keya bidnak me, an-nen yak kindigi iri na ndak ndag-et oroti lomboroso mende pigit lak, we woraga nonggolat tuju nene yurag-o. Nde, tuju tarem ereya woragolar-e, oroti lomboroso mende puruk woraidnak oroti-ge mondok norak pug-o. Kit-nen pempa an nerembel wil lobok yogolar-e, an namanggim pugwi mende pil lobok yogolat wolmer-o.

MBIRIGA WENE 3:20

Alat nde, an namawi bem Mesira nap lak tak unpurak angin worak mende nin tak nan tak kwiye worak it enpem pil lobok yosola-n perak, at-nen-e ’Mberer-o’ luk lerak kunpuwa-o.

MBIRIGA WENE 34:18

An-nen nanduk kit kenpem posolar-e waneya nandug-et (Abib) iri arem-e kir-e Mesira keya buruk mbiridnak me, ’Waneya iri arem-e Oroti Lomboroso Mende Pigit lak oroti nonggolar-e, tuju tarem wolmer-o’ yak kindigi na ndak ndag-et kwarogolat wolmer-o.

MBIRIGA WENE 6:1

Yak tosola-ge, Nagawan Indo-nen Musa yak tosolar-e: ”Yawo-ge an-nen nagawan iri kwat ibimin-e kagun-o. An-nen angin worak ebem posola-ge, an nelem nap iri-ge wisirik unpuwa-o. Nde, an-nen angin worak ebem posola-ge, at-nen-e it iri-ge o yu me-nen mburuwakluk langgara wirik unpuwa-o” yak tij-o.

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

NDANIEL 9:15

Nagawan Indo Nenmbal Pem Nagawan wa-e. Kat kamawi mirik nonposolat, kat kamawi bem Mesira-nen lesa wok nunpuruk lobok yigen iri na-ge ninndi yeberag-et woragolar-et nde, nir-e meya kwarogolat, lugud tak nak irit kwarogolat woragwi-o.

MATIUS 10:12

Kit-nen ap enma nggogolar-e: ’Nagawan Indo-nen imbiringgat tak kumpuwag-o’ luk yak undurag-o.

LUKAS 22:19

Iri luk, at-nen mburu wanuruk, Mbal Pem Nagawan wa yak turuk, ndeksa ndeksa puruk, it tembesa wok ondosolat-nen yosolar-e: ”Yu-ge an nebe [kit kenmanggim pidnak-nen yusu-o. Kinndi an nebem mbung mbung tak woragolar-e, yu nggal-et kwarogolat wolmer-o” luk yij-o.

1 KORINTUS 11:24

Mbal Pem Nagawan wa yak turuk, ndeksa posolat-nen yosolar-e: ”Mburu yu-ge an nebe kit kenmanggim pidnak-nen yusu-o. Kir-e an yebet yebet tak worabok-nen an-nen kwarusu yu nggal kwarogolat wolmer-o” luk yij-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.

EPESUS 1:19

nit ninndi angin tubu yidnak nap nenarem yabu wanoso amawi mondok nggulok iri na kenaru tobok-nen na kenmanggim tepan yoso-o. Nde, nit nenarem worasu amawi iri-ge,

TUGURUK YIDNAK WENE 13:11

Wurugupmu-ge, wurugup obok iri na nde Isarael nap oboksa-nen kulurug-e, meya iri mende kwarurag-e kwiye luk, meya iri mende-ge kwaruwa bug-o” yij-o. 13:12–18:13 Pasal 13 erep min Pasal 14 kuri Pasal 18:13 kuri pasal ereya arem-e Musa-nen-e Isarael nap wolmomtak pem na, Mbal Pem Nagawan emmbel wanurak pem na ”Iri nggal kwarurag-o” luk tuguruk yak indidnak wene iri mbarak worasu-o.

TUGURUK YIDNAK WENE 13:6

Kit konowe konowot-nen ala na, kinlirak kwami-nen ala na, ap-nen ala na, konkwerak kinndi kundik-nen ala na, kennggamirak mondok kundik-nen ala na, it-nen nde ap kit kenndam worali nap min erepma worali nap min enmbal pem nagawan nin mbi kit-nen na irit, konmborak-nen na irit kenaru buk iri na ’Erembel wanuwog-o’ luk kuraga kenmengen mbarogola-ge,

TUGURUK YIDNAK WENE 24:18

Kit na Mesira-nen-e ap ndegel unpugwi nab-et woraigepma-o. Iri kwarogola, Nagawan Indo Kenmbal Pem Nagawan-nen wisirik kinpid iri na kinndi yebet ker-o. Iri bem-nen an-e kit-nen kwat tenak wolmomtak wene yu kenpem pusu-o.

TUGURUK YIDNAK WENE 24:22

Kit nanduk Mesira-nen ap ndegel unpugwi nap woraigep iri na kinndi yebet ker-o. Iri ala karuk-nen kit-nen kwat tenak wolmomtak wene yu-ge an-nen kenpem pusu-o.

TUGURUK YIDNAK WENE 26:8

Neneyarug-e, kat kamawi kumbunu nggok pem-nen Mesira-nen wisirik nonposolar-e, kat-nen kwiye worak mende min kagwi buk mende min nin tak nan tak kwarak posola, wim nab-e kwiye rak inpigen-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

TUGURUK YIDNAK WENE 6:12

kir-e anggun panggun tak kunpugwi sa Mesira-nen weserak kinpid nap Kenmbal Pem Nagawan iri na meme rak pul naru mondok kwara wolmomtag-o.

TUGURUK YIDNAK WENE 6:21

kit-nen wene onggo-ge yu nggal yak undurag-o: ’Nanduk nit Mesira nagawan iri ndegel pogolat woragola, Nagawan Indo-nen at amawi ambik pem wisirik nenpamu-o.

TUGURUK YIDNAK WENE 7:8

Alat nde, Nagawan Indo-nen len kinpid iri-ge, at-nen kenabuwa kasolar-e, konmborak inmin urul yak indid iri na ndak ndak tak posolat-nen kwarij-o. Iri bem-nen at amawi nggok pem kinmiri yosolat, Mesira nagawan-nen anggun panggun tak konposola inggiyapma-nen wisirik kinpij-o.

TUGURUK YIDNAK WENE 8:14

ereba bem kinndi kek tak pogolat, kit anggun panggun tak kunpugwi sa Mesira-nen wisirik kinpid nap Nagawan Indo Kenmbal Pem Nagawan iri na meme rak pugup naru mondok kwara yik karok wolmer-o.

TUGURUK YIDNAK WENE 9:12

Wok norosolug-e, Nagawan Indo-nen an yak norosolar-e: ’Kar-e ndag-et nak mbi-o. Kelem nap Mesira-nen wok unpuruk lobok yigen ereba-ge meya nggok mbi kwarigarig-o. An-nen yidnak wene keya buruk, lugud tak nggwe mborogolat, kugwiwak mbi erembel wanurak ndak wirigarik worali-o’ yij-o.

YOSUA 24:17

Nagawan Indo Nenmbal Pem Nagawan-net nonmborak wisirik onposolat, nit na anggun panggun tak nunpugwi sa Mesira-nen wisirik nonposolat kwaramu-o. Nde, Nagawan Indo-nen kwiye worak kwarij-et nit-nen kagolat, nit tula erepma nin nap unuwi siri oboksa ereba kibiril lobok yogola-ge, Nagawan Indo-net nggetlel nunpuruk, lobok yosolat kwaril lobok yij-o.

WENE MBENARUGWI NAP-NEN KWARIDNAK WENE 6:8

Iri yogola-ge, Nagawan Indo-nen-e at ene lomboksa yoso nap misik endam pil lobok yamu, ap iri na-nen yosolar-e: ”Nagawan Indo Isarael nap Kenmbal Pem Nagawan-nen yosolar-e: ’Kir-e Mesira-nen anggun panggun tak konpogola, an-net wisirik kunpukmu-o.