MBIRIGA WENE 13:21 - Nanduk Ngget Tul Pidnak Wene

²¹ Mborogola-ge, Nagawan Indo-ge lengge ala-ge it enabuwog-e nggan nggan arem mborosolat, nde, kubu ala-ge tu mirik enpeyekluk kan mare nggal luk lit iniyuruk mbirij-o. Iri kwarosola ir-e kubu-nen lengge-nen mborogolat nak woraiga-o.

MBIRIGA WENE 13:21 ပူးပေါင်းရင်းမြစ်များ

NEMIA 9:12

Nde, lengge ala-ge, nggan nggan laring tak pem lit unpuruk mborosolat, nde, kubu mborogola-ge, kanduk nggal yaya rak onposolat kwaril mbirigen-o.

NEMIA 9:19

Iri kwarogola-t nde, kar-e unpud kaso elem me, kat-nen-e ir-e mondok nembaga ereba me keya inpigit lag-o. Kat-nen kubu bat lengge bat lit unpuruk mborosolar-e, kubu-nen lengge-nen it tu lit unpuruk mbururak nggan nggan laring tak min kanduk min iri na-ge kat-nen-e lak tak pigit lak irit keya bigen-o.

NDAWI ENGGA 105:39

Mbal Pem Nagawan-nen-e at ilirak kura onposolar-e, nggan nggan muruk tak pij-o. Nde, it kubu yaya bem mburuwaklug-e kanduk pij-o.

MBIRIGA WENE 10:10

Nde, Pirayon-nen it yak ondosolar-e: ”Mondok Nagawan Indo unu bem yak kundusu-o. An-nen-e ’Konkwela inmin kinlirak inmin wok unpuruk mberer-o’ yak kindimin pug-o. Nde, kit kinndi arem-e meya kwarurak perali kagi-o.

MBIRIGA WENE 16:10

Yamu, Arun-nen wene na yak ondosolat, nde, ir-e oboksa enlengen-e o lid ereba na nggwe yik karok worakmu-ge, mimo ereya na-net Nagawan Indo eyaya-ge nggan nggan arem-nen nam agaij-o.

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

WONARIDNAK WENE 10:34

It nde o wiril lobok yidnak sa-nen mborogola-ge, lengge-ge Nagawan Indo-nen idnak nggan nggan-e pempa it enanggul pem woragij-o.

WONARIDNAK WENE 14:14

it-nen o yu me nap yak ondogolar-e, Nagawan Indo kar-e nit ninmin woralat, kat nit lit neneyaruk lobok yosolat-nen ninmbiri bem nam yosolar-e, lengge-ge nggan nggan nggal, nde, kubu-ge kanduk nggal kwasa lobok yusu wene iri yak indikma, kuliga-o.

TUGURUK YIDNAK WENE 31:8

Iri yosola-ge, Nagawan Indo at ondomok-nen yongga korosolat, lit kuburuk mburuwa-o. At-nen-e kindi kabak tak kobosolat, keya kobosolat mondok kwaruwa bug-o. Iri bem-e kar-e kwiye yosolat, kindi kabak yosolat yurak pug-o” yak tij-o.