MBIRIGA WENE 13:14 - Nanduk Ngget Tul Pidnak Wene14 Abok-nen kinlirak-nen kin wok konpogolar-e: ’Yeba-ge ebe-ge ngge kwarag-o?’ luk kin wok konpogola-ge, kit-nen onggo-ge yu nggal yurag-o: ’Nagawan Indo amawi worak iri na bem-nen anggun panggun tak nunpugwi sa Mesira-nen wesera wok nunpuruk lobok yamu-o. အခန်းကိုကြည့်ပါ။ |
Oroti lomboroso mende pigit lak oroti nunggwi tarem yu-ge yenggerak purak mende ininggi bem min inmbiriwak pem min kamarak pugwi nggal kwat ma-o. Nde, Nagawan Indo-nen amawi kwarat pem kir-e Mesira wi-nen wisirik kinpidnak me, iri yidnak tarem yebet kagola-ge, iri-nen yeberak konposolar-e, Nagawan Indo-nen ’Irit kwarurag-o’ luk wat tak pidnak wene yogolat, kwara kenaru yogolat woragup na-e.
Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.
Nagawan Indo Nenmbal Pem Nagawan-net nonmborak wisirik onposolat, nit na anggun panggun tak nunpugwi sa Mesira-nen wisirik nonposolat kwaramu-o. Nde, Nagawan Indo-nen kwiye worak kwarij-et nit-nen kagolat, nit tula erepma nin nap unuwi siri oboksa ereba kibiril lobok yogola-ge, Nagawan Indo-net nggetlel nunpuruk, lobok yosolat kwaril lobok yij-o.