MBIRIGA WENE 13:10 - Nanduk Ngget Tul Pidnak Wene

¹⁰ Oroti lomboroso mende pigit lak oroti nunggwi tarem yu-ge tanggal wat tak pidnak iri na bem lud yosola-ge, olengen ndak wosa sakolat wolmer-o” yak indij-o.

MBIRIGA WENE 13:10 ပူးပေါင်းရင်းမြစ်များ

MBIRIGA WENE 12:14

Olengen misik arem tanggal iri wok yosola-ge, pempa ap pem lud woragolar-e, kinndi yebet yebet tak Nagawan Indo an kek tak nobogolar-e sakolat woragup na-e’ yij-o” luk yak indid.

MBIRIGA WENE 12:17

Nde, iri tarem-e kelem nap oboksa Mesira-nen wok kunpuruk mbiridnak iri bem-e pempa ap pem lud woragolar-e, olengen misik pem-e wok kunpuruk mbiridnak tarem iri-ge kit-nen yebet kagolar-e sakolat woragup na-e.

MBIRIGA WENE 12:42

Kubu it mbiriga tarem-e Nagawan Indo-nen Mesira wi-nen it wok unpuruk mbereyekluk yik karok woragij-o. Nde, kubu it mbiriga tarem-e pempa ap pem lud woragolar-e, Nagawan Indo amanggim lenak pidnak yebet kagwi tarem-o. Nde, kubu iri tarem-e Isarael nab-e unluk nak irit woragwi-o.

MBIRIGA WENE 13:5

Nagawan Indo-nen Kanaan nap min Et nap min Amori nap min Ewi nap min Yebus nap min unuwi nggweyak konmborak owak mbara yarik wok indid wi yi mende ndi mende na kwarat, nggweyak na amburu worak iri na me Nagawan Indo nen wok kunpuruk mburuwama woragolar-e, pempa olengen ndak wosa waneya Abib yu bem-e kir-e oroti lomboroso mende pigit lak oroti woraga nonggolat woragup na-e.

MBIRIGA WENE 23:15

’Iri kwarurag-o’ luk wat tak pidnak tarem waneya nandug-et (Abib) iri bem-e kir-e Mesira keya bidnak me, an-nen yak kindigi iri na ndak ndag-et oroti lomboroso mende pigit lak, we woraga nonggolat tuju nene yurag-o. Nde, tuju tarem ereya woragolar-e, oroti lomboroso mende puruk woraidnak oroti-ge mondok norak pug-o. Kit-nen pempa an nerembel wil lobok yogolar-e, an namanggim pugwi mende pil lobok yogolat wolmer-o.

TEPAN OMBO-NEN KWARURAK WENE 23:6

Nde, iri luk kup tanggal lima belas pem-e Oroti Lomboroso Mende Pigit Lak Worakwi Tarem yebet kudtag-o. Nde, iri kwarogolat tuju bem woragolar-e, oroti lomboroso mende pidnak oroti-ge mondok norak pug-o.