MBIRIGA WENE 12:7 - Nanduk Ngget Tul Pidnak Wene

⁷ Nde, eyabi marig-et o wam nunggup sa ereba na tumende bem owak ponok ponok pem min tu mbanggo abam nggwe min ndaril lobok yurag-o.

MBIRIGA WENE 12:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 6:31

Nde, o kuri worak Mondok Marak Sa iri na tumende-ge e saitun-nen konidnak embet abak mberen-nen kona lerak piga-o. Nde, tu-ge enggendumu-nen kuwarugwi-o. Nde, tumende ambanggo abam nggwe-ge wangget yaga pogolar-et nde, enggendumu-ge anggat kela piga-o.

MBIRIGA WENE 12:13

Nde, wam eyabi kunuwi tumende bem ndarugup iri na karug-e, kir-e iri me worali-o luk yenggerak pimin-o. Mesira nap ondosolat, kir-e kindigit lak, we wot nak keneyamin-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

IBERANI 10:14

Iri ala-ge, at eyabi-ge misiget pem nak wirik pid pem-e it-nen meya yogolat woraidnak iri mbek tak inpidnak nap oboksa-ge Kerisut-nen-e pem-et woralik nalik wolmakluk iminep mbarak inpij-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

IBERANI 11:28

At indi angin tubu yidnak pem-net O Anggul Abandok Mbiridnak tarem iri tel korosolar-e, ap ondoso aid nap iri-nen-e Isarael nap inlirak manggu nderak iri na unduwa naru, at-nen it yak ondosolar-e: ”Lomba wam eyabi-ge tumende mbanggo bem nggweyel ker-o” luk yak indij-o.

IBERANI 9:22

Ndemerer-o. Imiri mbarak pidnak wene-nen yidnak yidnak kwarogolar-e, yi mende ndi mende oboksa-ge eyabi bem nak-nen mbek tak poso-o. Nde, eyabi wirik pidnak pem nak-net ap-nen meya yogolat woraidnag-e amberam tak poso-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.