MBIRIGA WENE 12:51 - Nanduk Ngget Tul Pidnak Wene

⁵¹ Iri na tarem-et Nagawan Indo-nen it Isarael nap oboksa Mesira wi-nen wok unpuruk mbirij-o.

MBIRIGA WENE 12:51 ပူးပေါင်းရင်းမြစ်များ

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

1 NAGAWAN NAGAWAN-NEN KWARIDNAK WENE 6:1

Salomo-nen Nagawan Indo uwi wirij-e, Isarael nap Mesira-nen wesera lobok yigarik, olengen empat ratus delapan pulu (480) woraruk ombol nggwe, Salomo nagawan men luk olengen empat worarug-e, waneya mberen tak pogolar-e, waneya unu-ge Sip iri arem-nen o iri na-ge woroso tel kwirij-o.

NDAWI ENGGA 114:1

Isarael nap Mesira iri me-nen lesa mborogola-ge, Yakup-nen wigarak ereba na ap unuwi iri na keya buruk mborogola-ge,

NDAWI ENGGA 136:11

Isarael nab-e Mesira-nen wesera wok unpuruk lobok yamu-o. At-nen-e pem kundugu irit enabuwa yoso-nen yusu-o.

MBIRIGA WENE 12:41

Nde, olengen empat ratus tiga pulu (430) iri arem waneya woroksiyem iri na arem tanggal nggoboksa-ge Nagawan Indo elem nap ap kere kwarat ereba na-ge Mesira wi keya buruk mbiriga-o.

MBIRIGA WENE 12:50

Nde, it Isarael nap oboksa-ge Nagawan Indo-nen Musa min Arun min ”Irit kwarurag-o” luk yak indid ereba na ndak ndag-et kwariga-o.

MBIRIGA WENE 13:1

Nagawan Indo-nen Musa yak tosolar-e:

MBIRIGA WENE 16:1

Iri lug-e, Isarael nap oboksa-ge Elim-nen mbiriga-o. Waneya misik woraruk, mberen tak posolat tanggal lima belas iri bem-e Mesira wi keya buruk mbirigarig-e, Sin karu me wok yiga-o. Nde, iri me-ge o Elim wok Ndobo Sinai wok enggendumu-o.

MBIRIGA WENE 19:1

Iri lug-e, Isarael nap na-ge o Arapirim na keya biga-o. Mesira keya buruk lobok yigarik, waneya mberen woraruk, kenan tak pogolat tanggal satu iri bem-e Sinai lidmu wok yiga-o. Wok lug-e, Ndobo Sinai ayo bem o lije wiril lobok yiga-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

TEPAN OMBO-NEN KWARURAK WENE 23:43

Nde, iri kwarugup iri-ge kit-nen wigarak-nen peragolar-e: ”E! O Mesira-nen Nagawan Indo-nen Isarael nap inmin lobok yosolar-e, ir-e o lije nggaribari yeba nggal arem wolmer-o yak endamu kagi” luk yuwakluk wururag-o. Ar-e Nagawan Indo Kenmbal Pem Nagawan-nen yusu-o.

AMOS 2:10

An-e kir-e Mesira-nen lesa wok kunpuruk, nembaga nggwe ndegel kunpuruk mborosolar-e, olengen-e empat pulu irit worakmu-o. Iri kwasa kinmin lobok yosolar-e, Amori nap unuwi nggweyag-e kit kunuwi nggweyak kwat makluk wok kundukmu-o.

MIKA 6:4

Kir-e Mesira iri me-nen lel mberel konpogolat worakmu, an-nen lesa wok kunpuruk lobok yigi-o. Nde, kit lit kunpuruk lobok yuwaklug-e, an-nen-e Musa min Arun min kwe Miriam min lenak inpigi-o.

WONARIDNAK WENE 23:22

It iri-ge Mbal Pem Nagawan-net Mesira wi-nen wok unpuruk lobok yusu-o. Mbal Pem Nagawan iri-ge sapi erengen kege anggul ambo amawi worak iri na nggal it enmanggim wim nggusu-o.

YIDNAK YIDNAK WENE 13:17

Isarael nap Enmbal Pem Nagawan-nen-e nit nenlawingga len unpurug-e, ir-e ap sal nggal Mesira wi woragola-ge, ap kwarat tak inpij-o. Iri lug-e Mesira wi-nen at inggi amawi bem-nen lit unpuruk mberamu-o.

TUGURUK YIDNAK WENE 4:37

At-nen konmborak unpud kasolar-e, it-nen wigarak kit len kunpuruk, amawi kwarat pem Mesira-nen lesa wok kunpuruk lobok yij-o.

YOSUA 24:5

Nde, imbirig-e an-nen Musa min Arun min wirik unpukmu, Mesira nap enpem lak tak unpurak mende mberak pigi-o. Iri rak unpurug-e, iri me-nen wesera wok kunpuruk lobok yigi-o.

YURAS 1:5

Wene yu oboksa-ge kit kenaru-t nde, an-nen yeberak kenpeyeg-o. Nagawan Indo-nen-e Isarael nap iri-ge o Mesira-nen inmiri yij-et nde, abok nggwe-ge at ebem inndi angin tubu yigit lak nab-e at-nen lak tak enpamu-o.