MBIRIGA WENE 12:43 - Nanduk Ngget Tul Pidnak Wene

⁴³ Nagawan Indo-nen Musa min Arun min yak ondosolar-e: ”O wot kaidnak tarem yebet kagolat-nen kwarurag-e yu-o: Elem nin nab-e o wot kaidnak tarem yebet kagolat-nen wiridnak lomba wam mbarag-e norak pug-o.

MBIRIGA WENE 12:43 ပူးပေါင်းရင်းမြစ်များ

MBIRIGA WENE 12:11

Nde, uno ereba nonggolar-e, mbururak pem kunsum yutluk, kunuwok sum yutluk, konowangun-e kininggem-nen ndag-et ndag-et nak norag-o. Nde, iri-ge ”Ar-e Nagawan Indo-nen yusu-o” luk kek tak nobogolat-nen kwarugub-o.

MBIRIGA WENE 12:48

Nde, iniye ambesap mbarigit lak nap-nen-e o wot kaidnak tarem yebet kagolat-nen sagidnak nunggwi mende-ge mondok norak pug-o. Nde, elem nin nab-et nde, pem kinmin woraso-nen nde Nagawan Indo an kek tak nebeyekluk o wot kaidnak tarem sagidnak iri na norak yosola-ge, nandug-er-e at ama woragwi nap oboksa iniye ambesap mbarurag-o. Iri rak puruk, ap iri-ge Isarael nap nggal kwat yidnak me, o wot kaidnak tarem yebet kagolat sagidnag-e norag-o.

WONARIDNAK WENE 9:14

Ap sal-nen nde kit O Wot Kaidnak Tarem sakola, kinmin sagurak yosola-ge, ”Iri tarem kwarurag-o” yidnak ereba na oboksa-ge ndak ndag-et kwarosola-nen sagurag-e ob-er-o. Nde, ”Iri nggal kwarurag-o” luk yidnak ereba-ge Isarael nap-nen na irit, erem nin nap-nen na irit, kwat tenak wolmomtag-o’ yak indi-o” luk yak tij-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

1 SEMUEL 2:27

Nde, misik tarem-e Nagawan Indo ene lomboksa yoso nap mbi Eli eram lobok yosolat-nen Eli yak tosolar-e, Nagawan Indo-nen wene wosa pidnak wene yu-t yak tij-o: ”Konmbo Arun min at ama woragwi nap inmin-e Mesira nagawan iri na ndegel ubugwi nap kwatluk ndegel obogolat woragola-ge, an-e Arun imbiri bem nam yukmu-o.