MBIRIGA WENE 12:3 - Nanduk Ngget Tul Pidnak Wene

³ Wene yu-ge mondok Isarael nap oboksa yak ender-o: ’Waneya yu arem tanggal sepulu bem-e ap enambiktak lombok onkwela min pid pud norak lomba wam ondomok tak linil lobok yurag-o.

MBIRIGA WENE 12:3 ပူးပေါင်းရင်းမြစ်များ

NDAK WIRIDNAK WENE 22:8

Yosoloma, Abarakam-nen erep nggarosolar-e: ”Mbal Pem Nagawan-nen nak lid lud tak puwa-o” yak turuk mbiriga-o.

NDAK WIRIDNAK WENE 4:4

Iri yosola-ge, at Abel-nen-e olomba wam ereba na enggendumu ija misik-nen nanduk ndagid misik wosa yarik, mbara keya buruk, mbarak op nggal ereba na-ge yena Mbal Pem Nagawan amanggim kan pij-o. Iri yosola-ge, Nagawan Indo-nen-e at Abel na irit, at-nen at amanggim pidnak mende na irit indingen tak pij-et nde,

MBIRIGA WENE 12:2

”Waneya yawo yu-ge pempa olengen misik arem nggogolar-e kit-nen tanggal worarik waneya kwat yij-o.

MBIRIGA WENE 12:21

Nde, Musa-nen e Isarael nap ennggendumu enne kulugwi nap oboksa ene mbo unpuruk yak ondosolar-e: ”Kit kenambik tak lombok konkwela pid pud enmanggim mburugupndik, o wot kaidnak tarem tel korogolat sagurak lomba wam wil mberer-o.

MBIRIGA WENE 12:4

O misik arem woragwi nde wam iri na uno pidsa norak nde enpe marig-et ala-ge, ennggamirak korok korok worali ereba na inmin tak purag-o. Nde, lomba iri worogolar-e, ap enpe min nunggwi min inndi wal karuk, ndak ndak irit wururag-o.

MBIRIGA WENE 12:6

Nde, kir-e wam ereba-ge mondok ndoksa parugu woragupndik, tanggal empat belas pem keyama nggwe-ge Isarael nap oboksa-nen lomba wam ereba-ge wururag-o.

MBIRIGA WENE 14:15

Nagawan Indo-nen Musa yak tosolar-e: ”Kar-e noluk-nen ’Yongga niri-o’ luk kene nggoksa yusu-o? ’Mburugwi komo nak yuwog-o’ luk Isarael nap iri yak indi-o.

MBIRIGA WENE 20:19

Iri yogolat-nen it-nen Musa yak togolar-e: ”Kat nak-nen yak nindi-o. Yak nondosola kulul-er-o. Alat nde, Mbal Pem Nagawan-nen yak nondosola-ge, wat mul-o luk at-nen mondok yak nundurak pug-o” luk yiga-o.

MBIRIGA WENE 4:30

Arun-nen-e Nagawan Indo-nen Musa yak tidnak wene ereba na-ge it inmbiri bem kwarij-o.

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 1:36

Yesus na wasola karuk, Yoanes-nen yosolar-e: ”Mbal Pem Nagawan olomba wam marik iri nde ker-o!” luk yij-o.

YOANES 12:1

O Anggul Pandok Mbiridnak tarem na yebet kagit lak ma, enam nene luk, Lasarus na wat yij-et nde, Yesus-nen uruk tak pid iri na ama Mbetania iri na me Yesus na mbirij-o.

YOANES 12:12

Nene luk, kub-e nunggwi mende nggulok sakola, Yerusalem lobok yidnak ap kwarat-nen-e ”Yesus na Yerusalem lobok yusu-o” luk yogola kuliga-o.

1 KORINTUS 5:7

Kir-e nanduk woraidnak meya lomboroso mende iri-ge mbo ber-o. Iri ala-ge, kir-e nggeret konidnak oroti lomboroso mende pigit lak yidnak oroti iri nggal-et kwat yobokluk. O Anggul Pandok Mbiridnak tarem lomba wam wurugwi nggal, nit Nonlomba Kerisut iri-ge nenmanggim wiriga-o.

YOSUA 7:14

Iri bem-e Yosua kat-nen kub-e kubu kabu ap kenlem lombok lumbunul-o yak indi-o. An-nen nde ap enlem oboksa ennggendumu-nen: ’It enlem misik iri lobok yuwag-o’ yosola-ge, it enlem iri na ari-ge oboksa ennggendumu-nen: ’It ari misik iri lobok yuwag-o’ yosola-ge, it ari ennggendumu-nen: ’Ap suwon misik iri lobok yuwag-o’ yosola-ge, it iri na suwon ennggendumu-nen ap enarik tak lobok yurag-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

1 SEMUEL 7:9

Iri yogola karug-e, Semuel-nen-e lomba usul misik wanarik, emben Nagawan Indo amanggim posolar-e ebis-et wosa kan pij-o. Iri rak purug-e, Nagawan Indo-nen Isarael nap yongga unduwakluk tepan yosola-ge, Nagawan Indo-nen-e Semuel ene-t kulij-o.