MBIRIGA WENE 12:16 - Nanduk Ngget Tul Pidnak Wene

¹⁶ Iri kwarogolar-e, nandug-et tel korogolat tarem min worok tak pogolat tuju bem iri min kir-e oboksa Nagawan Indo nak erembel wanurak pem ndok wururag-o. Ndok wurugup iri tarem-e kir-e yi kwatlik ndi kwatlik kwarurak pug-o. Are, ap-nen norak nunggwi mende nak perak lid lud tak purag-o.

MBIRIGA WENE 12:16 ပူးပေါင်းရင်းမြစ်များ

MBIRIGA WENE 16:23

Yak togolikma, Musa-nen it yak ondosolar-e: ”Nagawan Indo-nen watsa nenpem pidnak wene-ge yu-o: Kub-e Mbal Pem Nagawan we woraidnak tarem-e at amanggim lenak pidnak tarem me, we enpabok kwarogolat nak wolmomtag-o. Iri ala, kit-nen lid lud tak pogolar-e, kit-nen nde kan ngen pem woragurak ala-ge, woragurag-o. Nde, kit-nen nde sagurak ala-ge, sagurag-o. Iri kwarogolar-e, nunggwi mende-ge terak menna-t lid lud tak puruk, ereb-e kup norak purag-o” yak indij-o.

MBIRIGA WENE 16:29

Kwara yebet ker-o. Kit-nen we wolmomtag-e misik pem nak wolmomtak tarem wok kindigi-o. Iri bem-nen enam tarem ereya-ge iri bem-e mberen pem ndak norak nunggwi mende wok kindigi-o. Nde, tuju bem tak pogolar-e, ap oboksa-nen mbepme mbirigit lak, o ma nak wolmomtag-o” yak tij-o.

MBIRIGA WENE 16:5

Nde, enam pem tak pogolar-e, nunggwi mende iri na-ge ir-e mondok mberen pem norak ndok wosa lid lud tak purag-o” yij-o.

MBIRIGA WENE 20:10

enam pem woraruk, tuju iri bem-e an namanggim nak kenpabok kwarogolat wolmomtak tarem-nen yusu-o. Nde, iri tarem-e ap misiger-o luk tet yabu mondok wanurak pug-o. Kit-nen na, kinlirak-nen na, ndegel kunpugwi nap-nen na, konowam-nen na, ap sal kit woragwi sa woragwi nap-nen na, mondok we nak wolmomtag-o.

MBIRIGA WENE 34:18

An-nen nanduk kit kenpem posolar-e waneya nandug-et (Abib) iri arem-e kir-e Mesira keya buruk mbiridnak me, ’Waneya iri arem-e Oroti Lomboroso Mende Pigit lak oroti nonggolar-e, tuju tarem wolmer-o’ yak kindigi na ndak ndag-et kwarogolat wolmer-o.

YESAYA 1:13

Wewesa kenarengge ereba-ge an namanggim purak waruk lobok yili-o. Ereba kan pili emben-nen an-e sok wurusu-o. Kit-nen waneya ngget arem nggogolat nggok sagili min we woragwi tarem (Sabat) yebet kali min kit-nen an kek tak nobogolat-nen kwarugwi kwarogolat ndok wutluk sagili min-e an-nen mondok yik kudtag-e nisili yusu-o. Kit-nen iri kwatli ereba oboksa-ge meya elem nde yogora keya bogolat, an nebem nde angin yaga keya bili-o. Iri nggal-e an nebem posoma, siri mboso-o.

TEPAN OMBO-NEN KWARURAK WENE 23:21

Nde, iri tarem-e yabu angin worag-e mondok wanurak pug-o. Are, an nerembel wanurak pem nak ndok wururag-o. Kit-nen kwarogolat wolmomtak kenpem pidnak ereba-ge kit-nen wigarak-nen-e it wolma sa ereba woragolar-e, mondok pem irit tena wolmomtag-o.

TEPAN OMBO-NEN KWARURAK WENE 23:35

Nde, tuju bem ereya woragolar-e, nunggwi mende-ge tuju bem-et Nagawan Indo amanggim pogolat wolmomtag-o. Nde, mondog-et tel kurugup tarem min tuju bem woraruk, delapan pem tak pogolat min-e Nagawan Indo kek tak purak pem ndok wutlug-e, nunggwi mende Mbal Pem Nagawan amanggim purag-o. Nde, iri tarem-e yabu nggog-e wanurak pug-o.

YOANES 19:31

Yawuri nap-nen Pilatus nggi yak togolar-e: ”E lang pang tak pem indidnak nap iri onowak kalak puruk, waga mberak unpurag-o” luk yiga-o. Iri yiga iri-ge we woragwi tarem amanggim lid lud tak pugwi tarem (Hari Jumaat) ala-ge, we woragwi tarem na-ge nggulok me, ap ereya-ge we woragwi tarem-nen e lang pang tak pem wolmomtag-e meya ala-nen yiga-o.