MBIRIGA WENE 12:12 - Nanduk Ngget Tul Pidnak Wene

¹² Kubu iri tarem-et an-e Mesira wi mbenaril lobok yimin-o. An-e Nagawan Indo-t me, li marik-nen wam-nen nandug-et nderak iri-ge oboksa ondosolat, o Mesira-nen erembel wanugwi unkugiwak oboksa min ebe lak mende rak pimin-o.

MBIRIGA WENE 12:12 ပူးပေါင်းရင်းမြစ်များ

NDAWI ENGGA 135:8

O Mesira-nen-e liap manggiya nderak min wam nandug-et nderak min ereba na-ge at-nen oboksa endamu-o.

NDAWI ENGGA 91:7

Ap seribu-t nde keram-nen ondogolat, ap sepulu ribu-t keralu kigit nggwe ambigit-nen unduwa-t nde, iri nggal-e kat kebem-e mbuwa bug-o.

NDAWI ENGGA 95:3

Nagawan Indo iri-ge Mbal Pem Nagawan mondok kek tak-nen yusu-o. Ar-e nagawan mondok amawi worak, erembel wanugwi mende oboksa ombol pem kek tak-nen yusu-o.

MBIRIGA WENE 12:23

Nagawan Indo-nen nde kubu nggwe Mesira nap endeyekluk Mesira wi kibiril lobok yosolat-nen nde, eyabi tumende owak ponok ponok pem min tu mbanggo abam nggwe bem min karug-e, Ap Ondoso Aid Nap na-nen kendeyekluk kenma ngguwa naru wot kaga wirik puwa-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

MBIRIGA WENE 21:6

onggo ibid nap iri na-nen imin luk mbutlug-e, Mbal Pem Nagawan ama wok yogolar-e, ndegel oboso nap iri na-ge, ’Kar-e tu mende bem ala na, owak tumende manda iri na eralu men min-o’ yak turuk, ndegel oboso nap iri na-ge owak mak mak eyanggo uru pulurag-o. Iri-ge nde pempa onggo pidnak nap iri na nak ndegel obosolat mumnggup manggim kwat yosolat-nen eyanggoru pulurag-o.

MBIRIGA WENE 22:28

Kir-e Mbal Pem Nagawan obok pogolat, kit kennggendumu enne kulugwi nap iri na imbiri lamut tak purak pug-o.

MBIRIGA WENE 6:2

Mbal Pem Nagawan-nen Musa yak tosolat-nen yosolar-e: ”An-e Nagawan Indo-nen yusu-o.

MBIRIGA WENE 9:6

Nde, kub-e Nagawan Indo-nen-e at-nen yid iri na-t kwarosolar-e, Mesira nap onowam-e oboksa wat yosolar-et nde, Isarael nap onowam-e misiget ter-o luk mbi wat yigit lag-o.

AMOS 5:17

An lobok yimindik, kit angin worak kenpem pimin ereba na bem ap oboksa-nen it eneyabu anggut yapmu ereba na me-nen yip togolat wolma-o. Nagawan Indo an-nen yusu-o” luk yij-o.

1 SEMUEL 5:3

Puruk kub-e Asndot woragwi nab-e kuplila unkugwiwak uwi iri na me lobok yiganggal-e, it unkugwiwak Ndagon iri na-ge Nagawan Indo-nen idnak urul pidnak wene labu mbarak iri na eralu erare nggwe langgurak worasoma karug-e, tuguruk leksa ondolma piga-o.

1 SEMUEL 6:5

Iri ala karuk, kit-nen-e marigot min wuningga o yu me eyak worak yusu yu min ut memera ndak worak per-o. Kit-nen iri nggal kwarogolar-e, Isarael nap Enmbal Pem Nagawan kek tak pogolat-nen kwarugub-o. Iri kwarogola-ge, kit min kunkugwiwak min konnggweyak min andi bandi rak kunpusu iri-ge ndong yuwa nde kwat ma-o.