MBIRIGA WENE 12:11 - Nanduk Ngget Tul Pidnak Wene

¹¹ Nde, uno ereba nonggolar-e, mbururak pem kunsum yutluk, kunuwok sum yutluk, konowangun-e kininggem-nen ndag-et ndag-et nak norag-o. Nde, iri-ge ”Ar-e Nagawan Indo-nen yusu-o” luk kek tak nobogolat-nen kwarugub-o.

MBIRIGA WENE 12:11 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 23:21

Iri luk imbirig-e, Yosia-nen Isarael nap oboksa yak ondosolar-e: ” ’Irit kwarul-o’ luk Nagawan Indo imin urul pidnak engga yu arem mbarak worasu ndak ndag-et nir-e O Wot Kaidnak Tarem yebet kagolat nggok sagurag-o” luk yak unduruk, saiga-o. Iri nggal kwasa sakolar-e, Nagawan Indo Enmbal Pem Nagawan iri na kek tak piga-o.

MBIRIGA WENE 12:13

Nde, wam eyabi kunuwi tumende bem ndarugup iri na karug-e, kir-e iri me worali-o luk yenggerak pimin-o. Mesira nap ondosolat, kir-e kindigit lak, we wot nak keneyamin-o.

MBIRIGA WENE 12:21

Nde, Musa-nen e Isarael nap ennggendumu enne kulugwi nap oboksa ene mbo unpuruk yak ondosolar-e: ”Kit kenambik tak lombok konkwela pid pud enmanggim mburugupndik, o wot kaidnak tarem tel korogolat sagurak lomba wam wil mberer-o.

MBIRIGA WENE 12:27

kit-nen onggo yak ondogolar-e: ’Yu-ge o Mesira-nen Mesira nap inliap manggiya-ge ondosolat, nit Isarael nab-e nindigit lak wot niniyidnak tarem ala, Nagawan Indo kek tak pogolat-nen amanggim lomba wam wiridnak tarem yebet kagolat sagili-o’ yak undurag-o” yij-o.

MBIRIGA WENE 12:43

Nagawan Indo-nen Musa min Arun min yak ondosolar-e: ”O wot kaidnak tarem yebet kagolat-nen kwarurag-e yu-o: Elem nin nab-e o wot kaidnak tarem yebet kagolat-nen wiridnak lomba wam mbarag-e norak pug-o.

YESAYA 52:12

Nagawan Indo-nen kininggi waruk mborosolat, Isarael Embal Pem Nagawan-nen tu ponok ponok pak turuk, nggetlel kunpuruk mborosolat me, kir-e ndag-et ndag-et na mburugup pug-o. Iri-nen mengga mbiridnak nggal na mburugup pug-er-o.

TEPAN OMBO-NEN KWARURAK WENE 23:5

Nde, Nagawan Indo kek tak pogolat O Wot Kaidnak Tarem sakolar-e, waneya anggul-et tanggal empat belas iri bem-e mo wusa mbosola, keyama-nen sagurag-o.

WONARIDNAK WENE 9:1

Isarael nap Mesira keya buruk mbirigarik, olengen misik woraruk, mberen pem tak pogolar-e, waneya anggul-et iri bem-e Sinai lidmu-nen Nagawan Indo-nen Musa yak tosolar-e:

LUKAS 12:35

Yuruk, Yesus-nen yosolar-e: ”Kentani are logoksa pempa yirik woragolat, kental na pempa pago woragolat, lid ludsa wolmer-o.

LUKAS 15:22

Alat nde, eid na-nen at ndegel ubugwi nap yak ondosolar-e: ’Ndag-et nak! Sum konak lombok waruk lobok yuk, yirik uburuk, manggo inggi bem puruk, ijok sum yirik per-o.

LUKAS 2:41

O Anggul Pandok Mbiridnak tarem na yebet kagolat saguwokluk-nen pempa olengen irit wosa Yesus eid ija-ge Yerusalem mborogolat woragwi-o.

LUKAS 7:38

Yesus ombol nggwe men lug-e, yip tosolar-e, yip lengen-nen Yesus ijok piri rak pij-o. Tak purug-e, at anggulsu-nen Yesus ijok iri korak puruk, at ijok na aben porok nasoluk, emben worak amburu na at ijok pem kilik pij-o.

1 KORINTUS 5:7

Kir-e nanduk woraidnak meya lomboroso mende iri-ge mbo ber-o. Iri ala-ge, kir-e nggeret konidnak oroti lomboroso mende pigit lak yidnak oroti iri nggal-et kwat yobokluk. O Anggul Pandok Mbiridnak tarem lomba wam wurugwi nggal, nit Nonlomba Kerisut iri-ge nenmanggim wiriga-o.

EPESUS 6:15

lambuksa woragwi aid wene iri yil mbururak pem kinndi lid lud tak pidnak iri-ge kunuwok sum nggal yutluk, wolmer-o.

YOSUA 5:10

Yeriko koroga mbirikmu Nggilnggal iri na me o lije ma woragolar-e, Isarael nab-e waneya anggul-et iri na bem-e keyama nggwe tanggal empat belas pem-e O Anggul Pandok Mbiridnak Tarem yebet kagolat saiga-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.