MBIRIGA WENE 11:6 - Nanduk Ngget Tul Pidnak Wene

⁶ Iri yuwama, Mesira wi oboksa yip langgu mbarogolat, sa nggwa mbuwa-o. Nde, yip iri nggal-e nanduk-nen na kagwi buk, abok-nen na kwat ma bug-er-o.

MBIRIGA WENE 11:6 ပူးပေါင်းရင်းမြစ်များ

MBIRIGA WENE 11:7

Alat nde, Isarael nap ennggendumu-ge li ala na irit, wam ala na irit mondok mbi sil kujwa bug-o. Iri karuk, Nagawan Indo an-nen-e Mesira nap min Isarael nap min lenak kunpusu iri-ge kenaru yugub-o’ yak kirij-o” luk yak tij-o.

MBIRIGA WENE 12:30

Nde, kubu iri na-ge Pirayon min at eyabu wanugwi nap min Mesira nap oboksa min inndi luk yiganggal-e, Mesira wi oboksa o worak arem-e iritsa li ap manggiya nderak oboksa wat yidnak me, yip nggu pabak langgu yosola irit kuliga-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

MBIRIGA WENE 9:18

Nde, kub-e yanem nggal-et talme engen-e kwiye worak irit pil mbuwamin-o. Nde, talme engen iri nggal-e o Mesira yu me-ge o nanduk ereba kuri-nen yawo na mondok kagwi bug-o.

YEREMIA 31:15

Nagawan Indo-nen yosolar-e: ”O Arama-nen-e inndi kalok luk, inndi puru bera yogolat yip togola, kulili-o. Nde, kwe Arakel-e ilirak lak yidnak me, unpud-nen yane worosolat yip tosolar-e, indi yanggunurak isili yusu-o.

AMOS 5:17

An lobok yimindik, kit angin worak kenpem pimin ereba na bem ap oboksa-nen it eneyabu anggut yapmu ereba na me-nen yip togolat wolma-o. Nagawan Indo an-nen yusu-o” luk yij-o.

LUKAS 13:28

Nde, Abaram min Isak min Yakup min Mbal Pem Nagawan ene lomboksa yugwi nap oboksa min-e Mbal Pem Nagawan-nen tenagaidnak wi enalin enalen pem woragola eneyagub-et nde, kir-e mbepme wirik kinpidnak me, yip togolat, andi bandi kagolat yugub-o!