MBIRIGA WENE 10:9 - Nanduk Ngget Tul Pidnak Wene

⁹ Musa-nen onggo yosolar-e: ”Nir-e Nenagawan Indo kek tak pogolat inik inik nggok sagurak me, nit oboksa sujwe min indi worak min, ninlirak oboksa min nonowam lomba min kambing min sapi min oboksa waruk mburul-o” yij-o.

MBIRIGA WENE 10:9 ပူးပေါင်းရင်းမြစ်များ

NDAK WIRIDNAK WENE 50:8

Mborogolar-e, ogwela nde owerak nde owe owot erep min-et imin mbiriga-o. Alat nde, onowam min li marik min iri nak o Nggosen keya inpiga-o.

MBIRIGA WENE 10:10

Nde, Pirayon-nen it yak ondosolar-e: ”Mondok Nagawan Indo unu bem yak kundusu-o. An-nen-e ’Konkwela inmin kinlirak inmin wok unpuruk mberer-o’ yak kindimin pug-o. Nde, kit kinndi arem-e meya kwarurak perali kagi-o.

MBIRIGA WENE 10:26

Nit nonowam-e mondok oboksa waruk mburul-o. Wam ereba enggendumu-net waga Nagawan Indo Nenmbal Pem Nagawan amanggim wosa kan purak iri-ge ereba wok yogolat-nen lembena ’Yu-t puwog-o’ iri-ge yurak me, wam min-et mburul-o” yak tij-o.

MBIRIGA WENE 12:32

Konowam sapi min lomba min kambing min oboksa waruk mberer-o! Iri yogolar-e imbiringgat tak nubuwakluk tepan neber-o” yij-o.

MBIRIGA WENE 12:37

Mborogolar-e, Isarael nap na-ge unuwok tu o Aramses-nen o Sukot mbiriga-o. Nde, mbiriga nab-e kwami min li marik min-e wonarigit lak ap nak wonarag-e enam ratus ribu (600.000) irit mbiriga-o.

MBIRIGA WENE 12:38

Nde, it mborogolar-e, onowam sapi min lomba min kambing min kwarat waruk mborogolar-e, enlem nin nap kwarat min-et mbiriga-o.

MBIRIGA WENE 13:6

Oroti lomboroso mende pigit lak woragidnak oroti iri nonggolar-e, tuju bem wolmomtag-o. Nde, enam nene luk, tuju bem tak pogolar-e, Nagawan Indo kek tak pogolat nggok sakup na-e.

MBIRIGA WENE 3:18

An nilirak-nen-e kat kene-ge kuluwar-o. Kologola-ge, kat min Isarael nap ennggendumu enne kulugwi ereba inmin-e Mesira nagawan iri na eram mburugupndik, yak togolar-e: ’Iberani nap Nenmbal Pem Nagawan, Nagawan Indo nit nendam lobok yarik, ninmbiri bem nam yidnak me, nit-nen Mbal Pem Nagawan amanggim wam wosa emben wok togolat kan puwokluk mbogorolar-e, nembaga-ge tundumu mberen nene yuwok-nen kat-nen lerak ninpi-o, nab-o’ luk yak ter-o.

MBIRIGA WENE 5:1

Nde, Musa min Arun min mbirigarik, Pirayon eram wok yogolat-nen togolar-e: ”Isarael nap Enmbal Pem Nagawan, Nagawan Indo-nen yu nggal yak kurusu-o: ’An nelem nap iri-ge nembaga ereba an nerembel wil mburuwak-nen lerak inpi-o’ luk yak kurusu-o” luk yak togolikma-ge,

MBIRIGA WENE 5:3

Iri yosoloma, Musa min Arun min-nen yogolar-e: ”Iberani nap Enmbal Pem Nagawan-e nit ninmbiri bem nam yidnak me, ’Mberer-o’ yak nundugunmu, nir-e nit Nenagawan Indo amanggim wam wosa kan puwokluk mborogolat nembaga ereba me tundumu mberen nene yuwok-nen lerak ninpi-o. Nde, nit-nen nde iri kwarigit lak ala-ge, Nagawan Indo-nen-e kugwi bem-nen ala na, wim pem-nen ala na mondok nunduwa-o” yak togolikma,

NGGOMO WENE 3:9

Kat-nen Nagawan Indo kek tak posolar-e, kat karengge mende kinggem woraso min kab-nen yagidnak min lena mondok konak nak irit Nagawan Indo amanggim purag-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

EPESUS 6:4

Nde, kit ineidtak-nen-e kinlirak insilepma worak tak unpurak pug-o. Are, ndegel onpogolar-e, nggomo ondogolat, Nagawan Indo-nen yidnak wene mirik onpogolat wolmer-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.