MBIRIGA WENE 10:3 - Nanduk Ngget Tul Pidnak Wene

³ Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MBIRIGA WENE 10:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:21

Iri yamu, ndok worogola, Elia na Isarael nap endam mberarik-nen yak ondosolar-e: ”Kir-e mepme-nen kinndi mberen worali iri-ge misiget tak pugub-o? Mbal Pem Nagawan iri nde ndemeret Mbal Pem Nagawan-et ala-ge, irit kek tak uburag-o. Nde, Mbaal iri nde mbal pem nagawan ala-ge, irit kek tak uburag-o” luk yak indij-o. Iri yak ondosola-ge, iri me ndok wiriga nab-e onggo yigit lag-o.

1 NAGAWAN NAGAWAN-NEN KWARIDNAK WENE 21:29

”Kar-e Akap-nen kondok luk, an neram tebe yusu iri-ge kasu, lak? Iri bem-e an-nen-e at uruk worala tarem-e lak tak onposo mende-ge ebem pil lobok yimin pug-o. Are, at ambara worala tarem-nen perak, lak tak unpurak mende-ge at ilirak enpem pil lobok yimin-o” luk yak tij-o.

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

MBIRIGA WENE 10:4

Kat-nen nde lerak inpigit lak ala-ge, kub-e sil kwarat kuwi silmu pil lobok yimin-o.

MBIRIGA WENE 16:28

Iri yogola, Nagawan Indo-nen Musa yak tosolar-e: ”Kir-e an-nen ’Irit kwarurag-o’ yak kindidnag-e pempa tal tenak woragub-a?

MBIRIGA WENE 4:23

Nde, an nene namawi min kat watsa kebem posolar-e, an nerembel wil mburuwak-nen an nambara iri-ge lera keya ibi-o yigi-t nde, kar-e tena unpusu me, yawo-ge kat kambara manggiya iri-ge wirimin-o” luk Nagawan Indo-nen yij-o’ yak turag-o” jak tij-o.

MBIRIGA WENE 5:1

Nde, Musa min Arun min mbirigarik, Pirayon eram wok yogolat-nen togolar-e: ”Isarael nap Enmbal Pem Nagawan, Nagawan Indo-nen yu nggal yak kurusu-o: ’An nelem nap iri-ge nembaga ereba an nerembel wil mburuwak-nen lerak inpi-o’ luk yak kurusu-o” luk yak togolikma-ge,

MBIRIGA WENE 9:17

Alat nde, yawo na kar-e kindi kek tak pem woralat, an nelem nab-e mburuwakluk lerak unpusu bug-o.

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 1:24

An-nen lobok yer-o luk wene mbo konposolat, kenmengen mbarigi-t nde, kit-nen eneyakngen nggal tak nibigeb-o.

YESAYA 1:5

Noluk-nen kir-e eyak wat tenak nak worali-o? Kir-e angin worak mende mondok kwiye worak tuguruk kenpem purak kindingen-a? Kenanggul-e nggwat nggwat ud nak-nen kobong tak, nde, kinndi min kit-nen yebet kagwi min-e mondok wat yidnak worasu-o.

NDANIEL 5:22

Alat nde, at ambara kar-e iri kwaridnak wene-ge karu-net nde, kar-e kindi tebe yusu bug-o.

WONARIDNAK WENE 14:27

”It meya yugwi nap ereba-nen an nebem ’Yu-o, iri-o’ luk yane wat tenak worali iri-ge, mepme tarem-nen keya buwa-o? It-nen yane witli ereba-ge an-e abu kulusu-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

YAKOBUS 4:10

Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

1 PETERUS 5:6

Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.