MBIRIGA WENE 10:1 - Nanduk Ngget Tul Pidnak Wene

¹ Nagawan Indo-nen Musa yak tosolar-e: ”Kar-e nagawan eram mbiri-o. An-e kwiye worak mende nin tak nan tak it ennggendumu kwareyekluk, Pirayon min at eyabu wanugwi nap min inndi amawi rak pigi-o.

MBIRIGA WENE 10:1 ပူးပေါင်းရင်းမြစ်များ

MBIRIGA WENE 10:20

Alat nde, Nagawan Indo-nen Pirayon iri na-ge indi amawi rak irit posoloma-ge, Isarael nab-e lerak inpigit lak irit yij-o.

MBIRIGA WENE 3:20

Alat nde, an namawi bem Mesira nap lak tak unpurak angin worak mende nin tak nan tak kwiye worak it enpem pil lobok yosola-n perak, at-nen-e ’Mberer-o’ luk lerak kunpuwa-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 7:4

Iri bem-e an-nen Mesira enpem wene mbarosolar-e, angin worak irit mberak pimin-o. Iri rak purug-e an nelem nap Isarael nap oboksa Mesira-nen wok unpuruk mborosola-ge,

MBIRIGA WENE 9:12

Nanduk Nagawan Indo-nen yosolar-e: ”Musa min Arun min-nen yidnak wene-ge no mende nggal tak puwa-o” yid iri na ndak ndag-et kwarosolar-e, Nagawan Indo-nen Pirayon na-ge indi amawi rak ibij-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

MBIRIGA WENE 9:27

Iri ala, Pirayon-nen Musa min Arun min wene mbo unpuruk-nen yak ondosolar-e: ”Yawo-n perak an-e ndemeret meya kwarigi-o. Nagawan Indo iri-ge ndemeret lud tak nak kwaroso-nen yusu-o. Nde, an min an-nen tenagidnak wi woragwi nap inmin-e ndemeret meya-t kwatli-o.

YOANES 12:40

”Mbal Pem Nagawan-nen yosolar-e: ’It-nen an neram lobok yogola, an-nen ki yaga wok indimin naru, it enlengen-nen kujwa naru, it inndi-nen yebet kujwa naru, an-nen it enlengen ngguru rak posolat, it inndi amawi rak posolat yigi-o’ luk yij-o.”

OROMA 9:17

Mbal Pem Nagawan engga mbarak pem at-nen Pireon yak tosolar-e: ”An-nen mendak kibigi yu-ge an namawi kat kebem-nen nam tak posolat, an nunu yi wi ndi wi wigarak posolat yonokluk-nen mendak kubukmu-o” luk yij-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

1 SEMUEL 4:8

It-nen yogolar-e: ”It unkugwi amawi worak iri na inggem-nen-e ta-nen ninmiri yuwa-o? Mesira nap nembaga-nen indid kugwi ereba na-ge ereba-ner-o.