MBIRIGA WENE 1:17 - Nanduk Ngget Tul Pidnak Wene

¹⁷ Alat nde, kwami mberen ya na-ge Mbal Pem Nagawan indi aye worak me, nagawan nen ”Iri kwarurag-o” yak indid iri na ndak ndag-e kwarigit lak. Li ap ndet yogola na indigit lak keya onpogolat woraiga-o.

MBIRIGA WENE 1:17 ပူးပေါင်းရင်းမြစ်များ

NDAK WIRIDNAK WENE 20:11

Yosoloma, Abarakam-nen onggo yosolar-e: ”O yu me-ge Mbal Pem Nagawan indi aye kagwi buk nap ennggendumu me, an nogwe wanurak puruk nuruwa yur-a? peraruk-nen iri nggal yigirig-o.

NDAK WIRIDNAK WENE 42:18

Nde, mberen pem woraruk kenan tak pogolat tarem-e Yusup-nen it yak ondosolar-e: ”An-e Mbal Pem Nagawan indi aye worak, at-nen yidnak yidnak kwaroso nab-er-o. Kit-nen nde kunluk wolmomtak peragolar-e, wene misik yu nak kwarer-o.

ESET 3:3

Iri kwarosola, nagawan woraso sa iri me yabu wanugwi nap erep ereba na-nen Morendekai yak togolar-e: ”Kar-e noluk-nen nagawan ene tarusu-o?” luk kin wok obogolat woraiga-o.

MBIRIGA WENE 1:18

Nde, nagawan na-nen kweyap mberen ya na wene mbo unpuruk-nen yak ondosolar-e: ”Kir-e noluk-nen li ap ndakola indigit lak, keya inpili-o?” luk kin wok inpij-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

NDANIEL 6:13

Karug-e, it ereba na-ge Ndaniel obok waruk nagawan iri na eram mbirigarik-nen yogolar-e: ”’Tiga pulu tarem ya bem woragolar-e, kugwiwak emengen mbatlik, ki nap mbi enmengen mbatlik iri-ge mondok yurak pug-o. Are, nagawan kat nak kemengen mbarurag-o. Ta-nen nde wene mbaridnak iri na nde kwid tosola-ge, singa ndakngge emndam mbunmu mberak purag-o’ luk yidnak engga iri na bem kat-nen kinggi amburu pigen na-ge lag-a?” luk yiga-o. Yogola-ge nagawan iri na-nen onggo yosolar-e: ”Iri-ge ndemerer-o. Wene iri-ge tuguruk lak tak purak wene-ge lag-o. Meria min Perisia min-nen pempa kwarogolat wolmomtak watsa pidnak wene-net yusu-o” luk yij-o.

OSEA 5:11

Nde, Isarael nab-e lel mberel inpili-o. Ndemeret it yongga undurag-e meya-t nde, yongga undurak pem mondok eyanggo lak lembesa nggi yogola karuk, onnggweyag-e innggem-nen waniga-o.

MIKA 6:16

Nde, iri kwat kunpuwa iri-ge Nagawan Omiri min at ambara Nagawan Agap min-nen meya kwarugwi ereba na langgal luk mburugwi iri na-nen ndowaga iri nggal kwat kunpuwa-o. Kir-e it-nen kwarugwi ereba na kwatli iri bem-e mondok yigisa lak tak kinpimin-o. Kir-e ap enlem oboksa-nen-e konpok pogolat, pesel konpogolat kwat kunpuwa-o” luk yij-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

YIDNAK YIDNAK WENE 5:29

Yak ondosoloma-ge, Peterus min wirik inpidnak nap erep min-nen wene erep nggarogolar-e: ”Nit-nen-e mondok Mbal Pem Nagawan-nen yidnak yidnak nak kwarul-o. Nde, ki nap-nen yidnak yidnak kwarurag-e meya-o.