MATIUS 9:4 - Nanduk Ngget Tul Pidnak Wene

⁴ Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

MATIUS 9:4 ပူးပေါင်းရင်းမြစ်များ

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

MATIUS 12:25

Nde, Yesus na-ge it inndi-n perali na yenggerak puruk-nen yak ondosolar-e: ”Nagawan misik-nen tenagaidnak wi woragwi nap it-net it ngarak woragolat-nen wim pogola-ge, pendaga lak ma-o. Nde, it o siri misiget woragwi-nen na, it ap lolo-nen na, it-net it ngarak woragolat-nen wim pogola-ge, pendaga lak ma-o.

MARAKUS 12:15

Alat nde, Yesus na-ge it inndi nin woragolat-nen kin wok ibiga iri na yenggerak eneyaruk, at-nen it yak ondosolar-e: ”Kir-e noluk-nen an nare pili-o? Kerep tol misik an kayek-nen nuk kil lobok yer-o” luk yak indij-o.

MARAKUS 2:8

Eberagola ereya na-net Yesus-nen it inndi-nen yebet kali iri na karuk, it yak ondosolar-e: ”Kir-e noluk-nen kinndi arem iri nggal perali-o?

LUKAS 11:17

Alat nde, Yesus na-ge it inndi-n perali na aru me, it yak ondosolar-e: ”Nagawan misik-nen tenagaidnak wi iri na me woragwi nap-nen nde lambuksa woragit lak, kuri worak woragolar-e, nagawan iri-nen tenagaidnak wi-ge nari wari ma-o. Nde, it lolo iri na nde kundik woragit lak, kuri werep mberep woragolar-e, it lolo kwasa wolma bug-o.

LUKAS 5:22

Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

LUKAS 6:8

Alat nde, Yesus na it inndi-n yebet kaidnak na aru luk-nen inggi nggorak nap na yak tosolar-e: ”Kar-e men luk, ndumu yu me men yil lobok yi-o” luk yak tosoloma-ge, ap iri na men yil mbirij-o.

LUKAS 7:40

Perasoloma-ge, Yesus-nen at yak tosolar-e: ”Simon wa-e. An-nen kat yak kururak mbi worasu-o” luk yosoloma, Simon-nen-e: ”Mul Nondoso Nap wa-e. Yak niri-o” luk yij-o.

YOANES 16:19

Yogolikma-ge, it-nen at kin wok uburak peraidnak na yenggerak karuk, Yesus-nen it yak ondosolar-e: ” ’Siyag-et nak worarug-e an neyagup pug-o. Iri luk, siyag-et nak woraruk, an neyagup-o’ luk yak kindigi na bem kir-e kin wok kerak mbili-a?

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 6:61

Nde, ir-e iri yogolar-e unlum ne yol ngol mbogola, Yesus-nen aru luk, it yak ondosolar-e: ”Wene yu angin worak ala karuk, yumbuk kudtak yol ngol mbili-a?

YOANES 6:64

kit erep-nen-e an nebem kinndi angin tubu yili bug-o” luk yak indij-o. (Nde, Yesus-nen-e nanduk-net at ebem inndi angin tubu yigit lak yurak nap min at iminep wusururak nap min aru woragaij-o.)

YIDNAK YIDNAK WENE 5:9

Yosoloma-ge, Peterus-nen yosolar-e: ”Kit kenmbereg-e kinndi misiget luk, noluk-nen Nagawan Indo Indi na indi ngarurak wene mbarigeb-o? Yu nde ki-o. Kat kun yapma piga nap unuwok ene mbirib-e tumende bem wok yili yur-o. Kat na en wat kuburuk mburuwa-o” luk yak tij-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.