MATIUS 9:13 - Nanduk Ngget Tul Pidnak Wene

¹³ Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.

MATIUS 9:13 ပူးပေါင်းရင်းမြစ်များ

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

MATIUS 12:3

Yak togolikma-ge, Yesus-nen wene erep nggarosolar-e: ”Nde, Ndaud min at imin nugwi nap min-e nere enpem wok yamu-nen kwarid wene na kir-e wonarugwi bug-a?

MATIUS 12:5

Nde, pempa we woragwi tarem-et nde, tepan omborak na Mbal Pem Nagawan ama yabu wanogolar-e, imiri mbarak pidnak wene kuruk tugwi-t nde, enpem wene mbarugwi buk iri-ge kir-e imiri mbarak pidnak wene bem kagwi bug-a?

MATIUS 12:7

Nde, Mbal Pem Nagawan engga mbarak pem-nen yosolar-e: ’An-e wam wosa pugwi iri-ge perasu-ge lag-o. Are, unpud kagwi irit nindingen-o’ luk yidnak iri-ge kenaru nggal-e, meya yugwi buk nap enpem kit-nen wene mbatlep pug-o.

MATIUS 19:4

Yogolikma-ge, Yesus-nen wene erep nggarosolar-e: ”Kit-nen-e Mbal Pem Nagawan engga mbarak pem-nen wene yu wonarugwi bug-a? Wene iri-nen yosolar-e: ’Tel korosolat-net Ndak wirid Nap-nen-e ap min kwe min ndak wat unpuruk-nen

MATIUS 21:42

Yogolikma-ge, Yesus-nen it yak ondosolar-e: ”Kir-e Mbal Pem Nagawan engga mbarak pem-nen wene yu-ge wonarugwi bug-a? Wene iri-nen yosolar-e: ’O wurugwi nap-nen mbo bidnak kerep iri-ge o unggut paro bidnak irit kwat yij-o. Iri agaid iri-ge Nagawan Indo-nen kwaridnak me, nit nenlengen ma-ge kwiye worak mende irit kali-o!’

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

MATIUS 4:17

Nde, iri tarem-e Yesus-nen mul ondoso tel korosolat-nen yosolar-e: ”Mbal Pem Nagawan-nen tenagaidnak wi panggo yusu me, kit meya yidnak keya buruk, kondok yer-o!” luk yosolat woragaij-o.

MARAKUS 12:26

Nde, wat yidnak nap unluk tak purak wene-ge Musa-nen mbaridnak engga bem-e e sugwe kan amare lagaid wene na-ge kir-e kagwi bug-a? Nde, engga iri arem-nen Mbal Pem Nagawan-nen Musa yak tosolar-e: ’An-e Abaram min Isak min Yakup min Enmbal Pem Nagawan-nen yusu-o’ luk yak tij-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

MARAKUS 2:17

It-nen yidnak wene Yesus-nen kuluruk yarik, it yak ondosolar-e: ”Ap ki-nen-e ndoktet ukwe-ge lag-o. Are, kugi worak nap-net ukwe-o. An-e lud tak nak woragwi nap iri wene mbo inpil lobok yukmu-ge lag-o. Are, meya yugwi nap irit wene mbo enpeyekluk lobok yukmu-o” luk yak indij-o.

LUKAS 10:26

Yosoloma-ge, Yesus-nen at yak tosolar-e: ”Imiri mbarak pidnak wene engga arem-e no mbarak worasu-o? Nde, iri me-nen-e kar-e no mbarak kaso-o?” luk yij-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

LUKAS 5:31

Yogolikma-ge, Yesus-nen it yak ondosolar-e: ”Ap ki-nen-e ndoktet ukwe-ge lag-o. Alat nde, kugi worak nap-nen perak nde ndoktet ukwe-o.

LUKAS 5:32

An-e konak nap wene mbo enpeyekluk lobok yigit lag-o. Are, meya yugwi iri na it meya yidnak keya buruk, kondok makluk wene mbo enpeyekluk lobok yigi-o” luk yij-o.

YOANES 10:34

Yak togolikma-ge, Yesus-nen it yak ondosolar-e: ”Kit-nen idnak imiri mbarak pidnak engga bem-nen Mbal Pem Nagawan-nen yosolar-e: ’Kir-e Mbal Pem Nagawan nggal-net yili-o’ luk mbaridnak na kali bug-a?

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

2 PETERUS 3:9

Nde, ap erep-nen-e Mbal Pem Nagawan-e orog-et nak kwaroso-o luk perali-o. Alat nde, Mbal Pem Nagawan-e at-nen urul pidnak wene kwarosolar-e, orog-et nak kwaroso-ge lag-o. Are, ap misiger-o luk tet lak tak purak isili me, ap pidsa-nen it meya yidnak keya buruk kondok yuwaklug-e, kit kinmin-e at indi luruk puruk worasu-o.