MATIUS 8:8 - Nanduk Ngget Tul Pidnak Wene

⁸ Yosoloma-ge, at san winde-nen yosolar-e: ”Meyog-o, nab-o. Kat-nen an nggal nama nggurag-e meya-o. Are, kat kene nak-nen yi-o. Kene nak yugun iri-net an ndegel noboso nap iri-ge ki ma-o.

MATIUS 8:8 ပူးပေါင်းရင်းမြစ်များ

NDAK WIRIDNAK WENE 32:10

An nggal-et nde kat-nen nabuwa kasolat, an nimin pem kundik worasu yu-ge mondok ijar-o. Nde, an nanduk mborosolat yi Yareren mbarosolar-e, silobulo mbi waruk mbirigir-e lag-o. Are, wangun nak ninggem mbirigi-t nde, yawo an tuguruk lobok yusu yu-nen-e kere mberen tak puruk lobok yusu-o.

NDAWI ENGGA 107:20

At-nen-e wirik pidnak wene bem-net ki rak onposolat, abu yapma-nen keyara inpil luwasolat kwarij-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

WONARIDNAK WENE 20:8

”Kar-e wangun urul pidnak wene labu mbarak eralu worasu iri wanuruk, kat min Arun min-nen-e Isarael nap oboksa ndok worak enper-o. Iri rak unpuruk, it oboksa enlengen pem-et kerep nggok iri arem-nen yi pilana womakluk, kar-e mondok kerep nggok iri wene yak ti-o. Iri kwarosolar-e, kerep nggok iri arem-nen yi pilana pil wagunmu, ap ereba min onowam min oboksa yi nujwa-o” luk yak tij-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

MATIUS 3:14

Alat nde, Yoanes na-ge at indi-n pidnak na logud tak peyekluk-nen yosolar-e: ”Kat-nen an yi ma nuburak perak ob-et nde, kar-et nde an neram lobok yusu-a?” luk yij-o.

MATIUS 8:3

Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

MATIUS 8:7

Yosoloma-ge, Yesus-nen yosolar-e: ”Iri ala-ge,an lobok yimindig-e, ki rak ibimin-o” luk yij-o.

MATIUS 8:9

An-e an nagawan urugom nap-nen yusu-o. Nde, an nurugom na san winde na woralir-o. Nde, an-nen ap misik yak tosolar-e: ’Mbiri-o’ luk yak tosola-ge, ar-e mborosor-o. Nde, misik yak tosolar-e: ’Yu me lobok yi-o’ luk yak tosola, ar-e lobog-et yoso-o. Nde, an ndegel noboso nap yak tosolar-e: ’Yu kwari-o’ luk yak tosola-ge, ar-e iri na-t kwaroso-o” luk yij-o.

LUKAS 15:19

Iri bem-e, an-e kat kambara momtag-e meya-o. An neberasolar-e, kat ndegel koboso nap nggal-et nuburudtag-o” luk yak timin-o’ luk yebet kagaij-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

YOANES 1:27

At iri na-ge an nimbirik lobok yusu-t nde, an-nen-e at ijok sum kere wusururag-e meya-o” luk yij-o.