MATIUS 8:3 - Nanduk Ngget Tul Pidnak Wene

³ Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

MATIUS 8:3 ပူးပေါင်းရင်းမြစ်များ

NDAK WIRIDNAK WENE 1:3

Nde, Mbal Pem Nagawan-nen yosolar-e: ”Yaya min-o” yosoloma, yaya yij-o.

2 NAGAWAN NAGAWAN-NEN KWARIDNAK WENE 5:11

Yak tosola kulurug-e, Naman iri na mondok isilepma yosolat-nen yosolar-e: ”An nindi-nen yebet kasolar-e, Elisa ar-et neram wasolat, Nagawan Indo Embal Pem Nagawan eram tepan yosolat, an nebem ud yeba ambigit inggi puwa-o luk peragi-o.

2 NAGAWAN NAGAWAN-NEN KWARIDNAK WENE 5:14

Iri yak togola karug-e, Naman iri na Yi Yareren arem mberarik, yi ma yubuk luk men luk kwarosolar-e, Elisa-nen yak tid iri na ndak ndag-et tuju bem-et kwarij-o. Iri kwarosoma-ge, ud yeba na-ge oboksa lak yosolat, aboro-ge li marik enaboro nggal konak irit kwat yij-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

MBIRIGA WENE 4:7

Kasola-ge, Nagawan Indo-nen yak tosolar-e: ”Tuguruk kinggi-ge kusum arem nggorak pi-o” yosoloma, inggi na yid iri na nggal-et kwasa abare sum arem pil nggwarik, lit karuk nen piridnggal-e, ud na ambut yosolat aboro na-ge ondolma woraso nggal irit kagaij-o.

MATIUS 12:13

Yak ondosolug-e, at-nen ap yu na yak tosolar-e: ”Kat kinggi mbung tak pi-o” luk yak tosoloma-ge, at nen inggi mbung tak pidnggal-e, op luk, at inggi ponok nggwe iri na nggal agaij-o.

MARAKUS 1:41

Yak tosoloma-ge, Yesus na at abuwa-nen indi andi luk, inggi mbung tak puruk, at tena bosolat-nen yak tosolar-e: ”Kat ambut tak kuburak iri-ge an nindingen-er-o” luk yak tij-o.

MARAKUS 4:39

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o.

MARAKUS 5:41

Nggwigarig-e, at-nen la kwe iri na inggi tena buruk, Iberani wene bem yak tosolar-e: ”Talita kum” yij-o. Iri yid iri-ge nit nenne bem yogolar-e: ”La kwe yu-ge wa-e. Men min-o yak kurusu-o” yosolat-nen yij-o.

MARAKUS 7:34

Tena burug-e, Yesus na mbal nggwe lik kasolat-nen indisep wirik puruk-nen ap iri na yak tosolar-e: ”Epata” luk yak tij-o. Nde, iri-ge nit nenne bem-e: ”Keyanggo kuwak mag-o” yosolat-nen yij-o.

MARAKUS 9:25

Yosoloma-ge, Yesus-nen ap kwarat ereba na at eram ndok worogola karug-e, at-nen kugi meya na wirik posolat-nen yak tosolar-e: ”Kugi meya kat-nen ndowaga, ap enne lak tak posolat, ap eneyanggo lak tak poso kugi meya wa-e. Nene amawi min yak kurusu-o. Kugi kar-e la yu arem tuguruk nggurag-e mondok lik lak sa-o. Mondok mbiri-o” luk yak tij-o.

LUKAS 4:27

Nde, Mbal Pem Nagawan ene lomboksa yoso nap Elisa worala tarem-e Isarael nap enngendumu-nen-e ndigiril laso mbijap enpem yidnak nab-e kwarat woraiga-t nde, misiget ter-o luk ambut tak pigit lag-o. Are, Siria nap Naman arig-et nak ambut tak pij-o” luk yij-o.

LUKAS 5:13

Yosoloma-ge, Yesus na inggi ap yu na ebem posolat-nen yosolar-e: ”An-e ambut tak kuburag-e nindingen-o. Ki min-o” luk yosoloma-ge, ereya na-net ndigiril laso mbijap na lak agaij-o.

LUKAS 7:14

Yurug-e, Yesus na en wutluk wali mbat na tena bosoloma-ge, mbat waruk mbitli nab-e ndong yiga-o. Alama-ge, Yesus-nen yosolar-e: ”La yu-ge wa-e. Men yi-o luk yak kirigi-o!” luk yij-o.

YOANES 11:43

Iri yuruk, at ene ngguloksa-t yosolar-e: ”Lasarus wa-e. Wasug-o!” luk yij-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.