MATIUS 8:27 - Nanduk Ngget Tul Pidnak Wene

²⁷ Iri kwarosoloma-ge, ap iri na wi luk-nen yogolar-e: ”Ap yu-ge no nap kali-o? Obube min yi koma min-et nde at-nen yidnak wene kuluruk, at-nen yidnak yidnak nak kwarij-o!” luk yiga-o.

MATIUS 8:27 ပူးပေါင်းရင်းမြစ်များ

MATIUS 14:33

Kondok yosoloma-ge, it e koma arem woraiga nap-nen Yesus erembel wanogolar-e: ”Kar-e ndemeret Mbal Pem Nagawan Ambara-nen yusu-o” luk yiga-o.

MATIUS 15:31

Iri ala-ge, ap kwarat iri-nen yik eneyaiga nggal, enne lak yidnak nap na enne yogolat, unuwok kambung puk tak woragwi na ki yogolat, ya landok nugwi na motsa mborogolat, enlengen ngguru na enlengen-nen kagwi jogolat eneyaruk, it-nen-e Isarael nap Enmbal Pem Nagawan erembel waniga-o.

MATIUS 8:10

Iri yosoloma, Yesus-nen wene iri kolosoluk, wi luk, at imbirik nili nap yu na yak ondosolar-e: ”An-nen yak kendeyeg-o: Isarael nap ennggendumu-nen-e indi angin tubu yidnak nap misik mbi yu nggal an-e kaso bug-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

MATIUS 8:28

Iri luk, Yesus-nen eyak ele bem Nggarara nap enma wok yosoma-ge, ap yapma inpidnak sa-nen lobok yidnak nap mberen inmin lid pid yij-o. It iri na-ge kugi enarem nggwidnak nap me, it insilepma kwarat ala-nen it enaye ab-e iri nggwe mburugwi tula keya biga-o.

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 6:51

Yurug-e it endam e koma na arem nggosola-ge, obube na kondok yosola-ge, Yesus owosirag-e mondok yi wi mbiga-o.

MARAKUS 7:37

Wigarogola, wene iri kulidnak nab-e wi yiga-o. Nde, it-nen yogolar-e: ”At-nen kwarusu yu ija-t kwarusu-o. Eneyanggo lak woragwi na kulugwi rak onposolat, it enna lak yidnak nap na wene yugwi rak onposolat yusu-o” luk wi yiga-o.