MATIUS 8:17 - Nanduk Ngget Tul Pidnak Wene

¹⁷ Iri kwarid iri-ge Mbal Pem Nagawan ene lomboksa yoso nap Yesaya-nen yosolar-e: ”Nit-nen andi bandi kagwi at nak-nen kud tosolat, ki rak nonposolat yij-o” luk yid iri na ndak tak posolat-nen yij-o.

MATIUS 8:17 ပူးပေါင်းရင်းမြစ်များ

NDAK WIRIDNAK WENE 22:6

Yak unduruk yarik, Mbal Pem Nagawan amanggim wosa kan purak kan iri na-ge Isak endak pem puruk, nde, ar-e kanduk min kabo min wanuruk, it enmberek mborogolar-e,

YESAYA 53:4

Ndemerer-e nit-nen kudtak andi bandi iri na nondolmasa at ebem mbosolat, nit-nen yane wurugwi iri na nondolmasa at nde yane worosolat kwarosola-t nde, nit-nen peragolar-e: ’At andi bandi kasu iri-ge Mbal Pem Nagawan-nen angin worak ebem pusu-o’ luk peraige-o.

MATIUS 1:22

Iri kwat yid iri-ge Nagawan Indo-nen at ene lomboksa yoso nap emndam tak pidnak wene yu ndak tak posolat-nen kwat yij-o:

MATIUS 2:15

iri me worakmu, Erores na wat yij-o. Iri kwat yid iri-ge Nagawan Indo-nen at ene lomboksa yoso nap emndam tak posolar-e: ”Mesira worasoma, an Nambara-ge wene mbo bigi-o” yid iri na ndak tak posolat-nen kwat yij-o.

MATIUS 2:23

o unu Nasaret iri me woragaij-o. Iri me woragaid iri-ge Mbal Pem Nagawan ene lomboksa yugwi nap-nen yogolat, ”At iri-ge Nasaret nab-o luk yuwa-o” luk yiga na ndak tak posolat-nen woragaij-o.

MARAKUS 1:32

O na ndamuk yosola, keyama nggwe-ge kugi worak nap min kugi enarem lin yidnak nap min wok unpuruk, Yesus eram lobok yiga-o.

LUKAS 4:40

Nde, molengen woroksa nggosola-ge, it ennggamirak-nen kugi nin tak nan tak enpem mbidnak nab-e Yesus eram inpil lobok yogola, at inggi-nen enambik tak tena unpurug-e, pidsa ki rak inpij-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.