MATIUS 8:16 - Nanduk Ngget Tul Pidnak Wene

¹⁶ Iri luk, o keyama nggwe-ge kugi enarem nggwidnak nap kwarar-e Yesus eram inpil lobok yogola-ge, Yesus-e at ene nak-nen kugi kwarat iri na wirik posolat, kugi indidnak nap oboksa na ki rak onposolat yij-o.

MATIUS 8:16 ပူးပေါင်းရင်းမြစ်များ

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 14:14

Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 8:15

Karuk, at-nen kwe na inggi tenabosola, embem wuloksa wiridnak na lak yosola, kwe na men yosolar-e, Yesus ndegel ibij-o.

MATIUS 8:33

Wam iri na yik karok woragwi nab-e pong pang mbirigarik, o silmu wok luk, iri kwaridnak wene na ndindera yak ondogolat, kugi enarem nggwidnak nap kwat inpidnak wene na min-et yak indiga-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

MARAKUS 2:3

ap kambung puk tak woraso nap misik ap enpe empat-nen Yesus eram waruk lobok yiga-o.

MARAKUS 5:8

(Iri yid iri-ge Yesus-nen kugi na yak tosolar-e: ”Kugi meya wa-e. Ap yu arem-nen kenangga mbiri-o” yak tosoloma-nen yij-o.)

MARAKUS 9:25

Yosoloma-ge, Yesus-nen ap kwarat ereba na at eram ndok worogola karug-e, at-nen kugi meya na wirik posolat-nen yak tosolar-e: ”Kugi meya kat-nen ndowaga, ap enne lak tak posolat, ap eneyanggo lak tak poso kugi meya wa-e. Nene amawi min yak kurusu-o. Kugi kar-e la yu arem tuguruk nggurag-e mondok lik lak sa-o. Mondok mbiri-o” luk yak tij-o.

LUKAS 13:12

Nde, Yesus-nen kwe iri na karuk, ene ngguloksa yak tosolar-e: ”Niya wa-e. Kat andi kaso mende-ge lak tak kibigi-o” luk yak tij-o.

LUKAS 4:40

Nde, molengen woroksa nggosola-ge, it ennggamirak-nen kugi nin tak nan tak enpem mbidnak nab-e Yesus eram inpil lobok yogola, at inggi-nen enambik tak tena unpurug-e, pidsa ki rak inpij-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

YIDNAK YIDNAK WENE 5:15

Nde, Peterus na mborosolat, at ugumak na it erep enpem maklug-e, kugi worak nap ereba na en wosa tulabiyem lis yemara mbinggirik onpogolat, e mbat ndamak pem mbinggirik onpogolat yiga-o.