MATIUS 8:1 - Nanduk Ngget Tul Pidnak Wene

¹ Yesus-e ndobo bem mbuwasola-ge, ap kwarat at imbirik mbuwaiga-o.

MATIUS 8:1 ပူးပေါင်းရင်းမြစ်များ

MATIUS 12:15

At wururak wene iri na aru luk, Yesus na-ge iri me-nen mborosola-ge, ap kwarat-nen at langgaluk mborogola karuk, at-nen-e kugi worak nap pidsa ki rak unpuruk-nen yak ondosolar-e:

MATIUS 15:30

ap kwarat at eram ndok worogolar-e, unuwok ya landok nugwi nap min unuwok kambung puk tak woragwi nap min enlengen ngguru min enne lak woragwi min kugi worak nap erep na kwarat wok unpuruk lobok yigarik, at eram onpogola-ge, at-nen ki rak inpij-o.

MATIUS 19:2

Mborosola-ge, ap mondok kwarat at imbirik nogola-ge, ereba me-n at-nen-e it ki rak onposolat woragaij-o.

MATIUS 20:29

Iri luk, it iri na-ge Yeriko-nen mborogola-ge, ap kwarat Yesus imbirik mbiriga-o.

MATIUS 4:25

Ab-e mondok kwarat, Nggalilea woragwi nap min Ndekapolis woragwi nap min Yerusalem woragwi nap min Yurea woragwi nap min Yorodan eyak ele bem woragwi nap min-e nggwid nggwid at imbirik niga-o.

MATIUS 7:29

At iri na-ge it mul undugwi engga enaru nap-nen yugwi nggal-e lag-o. Are, at na-ge ene amawi worak irit mul indij-o.

MATIUS 8:18

Nde, Yesus-nen at lop lop tiga nap kwarat iri na eneyarug-e, ”Yi koma eyak ele bem ndil log-o” luk yij-o.

MATIUS 8:2

Iri tarem-e ndigiril laso mbijap ebem mbidnak nap misig-e at eram lobok yarik, at eralu tud luk-nen yak tosolar-e: ”Nap wa-e. Kat-nen nde an ud yu ambut tak nuburak kindingen ala-ge, ambut tak nibi-o” luk yak tij-o.

MARAKUS 3:7

Iri alama-ge, Yesus owosirak inmin-e Nggalilea koma eyak pem mbiriga-o. Mborogola-ge, ap kwarat-nen at imbirik mbiriga-o. Mbiriga nab-e Nggalilea-nen na, Yurea-nen na

LUKAS 5:15

Alat nde, Yesus-nen kwaridnak wene na nggok ma wigak yil mborosolar-e, ab-e kwarat lombok at-nen yidnak wene kulurak pem-nen na, it kugi worak woraidnak ki rak unpurak pem-nen na at eram lobok yugwi komo woraiga-o.