MATIUS 7:6 - Nanduk Ngget Tul Pidnak Wene

⁶ Marak kopkap lak mende iri-ge yengge wok turak pug-o. Nde, kit kenarengge onggo nggulok pugwi kerep iri-ge wam mbo wok turak pug-o. Wam iri ujok-nen lul lul wosa keya buruk, nden karuk lobok yosolar-e, mbal kunpuwa-o.”

MATIUS 7:6 ပူးပေါင်းရင်းမြစ်များ

NGGOMO WENE 23:9

Kar-e ap wid indi worak iri-ge nggomo wururak pug-o. Kat-nen nggomo yak tugun iri na-ge kuluwa-ge lag-o.

MATIUS 15:26

Yosoloma-ge, Yesus-nen wene erep nggarosolar-e: ”Li marik marik enmanggim pidnak mburu-ge waga yengge eram mbo wok tugwi bug-o” luk yij-o.

MATIUS 24:10

Nde, iri tarem-e ap kwarat-nen it inndi angin tubu yidnak na keya buwa-o. It na it-net enare pegerak mbogolat, it na it-net nisili kisili yogolat ma-o.

MATIUS 7:5

Ken ambik konmbol pem lagwi nap wa-e. Kit kondomok kenlengen arem worasu e ebis nggugurik iri nanduk waber-o. Kit kenlengen op-net kit kennggam erengen arem worasu kopkap iri konag-et wabobok-nen.

2 KORINTUS 11:26

An-nen tu pempa waring kasola-ge, yi ebe-nen wok nuburak nggal yilik, yariya wanugwi nap-nen nururak nggal yilik, an nelem Yawuri nap-nen na, enlem nin nap-nen na, an nururak nggal yilik, o siri nggulok ma-nen na, karu me-nen na, yi koma bem-nen na, wat yurak nggal yilik, ennesiger-et nanggamirak nggal yidnak nap-nen nururak nggal yilik, kwat nobogola nigi-o.

PILIPI 3:2

Yengge min meya kwarugwi nap min we onmbol nggwe enaboro mbarugwi nap min enabiyem-o luk kwara-t wolmer-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

IBERANI 6:6

inndi angin tubu yidnak keya bili nab-e it meya yidnak keya buruk kondok makluk, tuguruk ininggi waruk lobok yurag-e mondok meyar-o. It iri-nen-e Mbal Pem Nagawan Ambara na-ge tuguruk e lang pang tak pem worogolat, ap inmbiri bem at inggiri witli iri bem-nen it kondok yurag-e meyar-o.

2 PETERUS 2:22

It-nen kwatli iri-ge nden karuk wene bem: ”Yengge-nen sogom kuluruk, naso-o” nde, ”Yi marak pidnak wam-e tuguruk kiri ndaril mboroso-o” yugwi na ndak ndak kwatli-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.