MATIUS 7:24 - Nanduk Ngget Tul Pidnak Wene

²⁴ ”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

MATIUS 7:24 ပူးပေါင်းရင်းမြစ်များ

NDAWI ENGGA 111:10

Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

NDAWI ENGGA 119:130

Kat-nen mul ondoso wene ereba nde ”Iri nggal-o” luk, engen wanogola-ge, ap inndi yaya rak posolat, enaru buk nap na yebet kudtak inndi tenggerak posolat yusu-o.

NDAWI ENGGA 119:99

Kat-nen kwarurak nebem pidnak wene mbenat tenak woraso me, an mul nurugwi nap-nen yebet kagwi-ge teberag-et nde, an-nen yebet kaso-ge terak minik-net yusu-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 25:2

Mborogolar-e, it lima-ge inndi lak woraiga-o. Nde, it lima-ge inndi nggat ponok tak woraiga-o.

MATIUS 25:4

Alat nde, it inndi nggat ponok tak kwami na-ge ental owak wanurug-et nde, yi kanduk mbi ondomok tak inidmbe arem kenangguruk mbiriga-o.

MATIUS 25:9

Yiga-t nde, in inndi nggat ponok tak kwami ereba-nen wene erep nggarogolar-e: ’Mondok lag-o. Yi kandug-e kit min nit min nenmanggim-e ndag-e lag-o. Kir-e mburugupndik, kondomok kenmanggim onggo pil mberer-o’ luk yiga-o.

MATIUS 7:25

Talme mbosolat, yi ebe wasolat, obube puk kasolar-e, o iri na wat kagaij-et nde, o iri-ge kerep pem wiridnak me, landera tud yigit lak yij-o.

MATIUS 7:26

Nde, an-nen yidnak wene kulurug-et nde, kulidnak iri na kwarigit lak yili nab-e, at indi lak nap-nen at uwi worosolar-e, yi sisiri bem wirid nap iri na nggal-nen yili-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 15:10

An-e Neid-nen yak niridnak nak kwarosola, at-nen an nabuwa kaso bem-et worasu nggal, kit-nen nde an-nen yidnak yidnak nak kwarogola-ge, an-nen kenabuwa kaso iri na bem-et woragub-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

OROMA 2:13

Nde, imiri mbarak pidnak wene na eneyanggo kulidnak pem nak-nen ab-e lud tak nak tak onposo bug-o. Are, imiri mbarak pidnak wene-nen yidnak yidnak kwaruwa nab-et luk tak nak tak onposo-o.

1 YOANES 2:3

Nde, nit nde Mbal Pem Nagawan-nen imiri mbarak pidnak wene-nen yidnak yidnak nak kwarogolar-e, iri bem-net nir-e ndemeret at nenaru yili-o luk yenggerak pili-o.