MATIUS 7:22 - Nanduk Ngget Tul Pidnak Wene

²² Worok tak puwa tarem-e ap kwarat-nen an yak norogolar-e: ’Nagawan Indo wa-e. Nagawan Indo wa-e. Nir-e kat kunu bem-et aid wene ap yak ondogolat, kat kunu bem-et kugi wirik pogolat, kat kunu bem-et kwiye worak mende kwarat kwarige na-t nde-o!’ luk yuwa-o.

MATIUS 7:22 ပူးပေါင်းရင်းမြစ်များ

WONARIDNAK WENE 24:4

Mbal Pem Nagawan-nen yidnak wene eyanggo-nen kolosolat, Mondok Amawi Worak Mbal Pem Nagawan-nen nam tak pidnak kasolat, erengen penggerak-nen tud yosolat yusu iri na-n yidnak wene-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 24:36

Alat nde, iri kwarurak tarem min jam min ap misiger-o luk tet aru bug-o. Aid arem woragwi aid nap-nen na, Ambara-nen na enaru bug-o. Eid ariget nak aru-o.”

MATIUS 25:11

Iri rak puruk, abok nggwe-ge kwami erep ya na lobok luk-nen yogolar-e: ’Nap wa-e. Nap wa-e. Tu kuwarak ninpi-o!’ luk yiga-o.

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

LUKAS 10:12

Wene yu yebet ker-o. Ap pidsa enpem wene mbarurak tarem-nen-e Mbal Pem Nagawan-nen o Sorom nap unpud kujwa-t nde, o wok kinpigit lak yuwa iri enpem-e mondok unpud kujwa bug-o” luk yak indij-o.

YOANES 11:51

(Kaipas-nen yid iri-ge, we at indi-n pidnak yigir-e lag-o. Are, at iri-ge olengen iri bem tepan ombo nggulok pidnak me, Yesus-e Yawuri nap enlem oboksa ondolmasa wat momtak na urul pij-o.

1 TESALONIKA 5:4

Alat nde, nenggamirak wa-e. Kit perak nde ndamuk arem worali buk me, iri Tarem-e yariya wanoso nap nggal mimo wok yosola-ge, kir-e wendet yugup pug-o.

2 TESALONIKA 1:10

Iri kwaruwa tarem-e Nagawan Indo-ge at winde nap oboksa ennggenggerak-nen at erembel wanogolat, inndi angin tubu yidnak nap oboksa-nen at wi langgu mbal obogolat yuwa Tarem-e nit-nen yak kindidnak wene wanigep pem-e, kit na it ennggendum iri me-t woragub-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:18

Onesiporus-nen-e o Epesus-nen an kwarat yongga nirid wene-ge kar-e karu nar-o. Iri kwarid pem-e, woroksiyem ap enpem wene mbaruwa Tarem-nen-e Nagawan Indo-nen at ubud kujwag-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.