MATIUS 7:21 - Nanduk Ngget Tul Pidnak Wene

²¹ ”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

MATIUS 7:21 ပူးပေါင်းရင်းမြစ်များ

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:19

Nde, an-nen tuguruk yak kendeyeg-o: Nggweyak ma yu me kit mberen nap-nen kinndi misiget luk, tepan yogolat nggi yugup mende-ge, an Neid aid arem woraso-nen-e wog-et kunduwa-o.

MATIUS 18:3

at-nen yosolar-e: ”Wene yu yak kendeyeg-o: Kit kenpage nden yaga la marik yu abage nggal kwat yigit lak yugup ala-ge, Mbal Pem Nagawan-nen tenagaidnak wi-ge mondok nggugup pug-o.

MATIUS 18:35

Nde, kit-nen-e kinndi min-et kit kennggamtak-nen meya yidnak na kenmberam tak pigit lak ala-ge, an Neid aid arem woraso-nen na iri nggal-et kwat kunpuwa-o” luk yij-o.

MATIUS 19:24

Nde, tuguruk yak kendeyeg-o: Sapi wam-nen luruk erel uru nggwe nggurag-e te nggal-nen yusu-o. Nde, insilobulo kwarat winde-nen-e Mbal Pem Nagawan-nen tenagaidnak wi nggurag-e angin worak-nen yusu-o” luk yak indij-o.

MATIUS 25:10

Nde, it inndi lak kwami na-ge yi kanduk onggo pil mborogola ereya na-net wok unpurak nap na lobok yij-o. Lobok yosolar-e, it lid lud tak woraiga kwami-nen at imin luk kwe wanugwi ma nggogolar-e, tu lerak pij-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 26:42

Yak turuk, mberen pem tak posolar-e, Yesus na mberarik, tepan yosolar-e: ”Neid wa-e. An ninggit lak ma yimbe yu mengga wanurag-e meya nde ala-ge, kat kindi-n pidnak nak kwat mag-o” luk yij-o.

MARAKUS 3:35

Mbal Pem Nagawan indi-n pidnak kwarusu nab-e an nowosirak li ap min an nowosirak li kwami min an niya min-nen yili-o” luk yij-o.

MARAKUS 9:47

Kat kerengen-nen nde meya rak kobosola-ge, kerengen kela wabi-o. Kat kerengen misiget nak-nen Mbal Pem Nagawan-nen tenagaidnak wi nggurag-e konag-o. Nde, kat kerengen mberen parugu kan mare arem nggurag-e meya-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

LUKAS 13:25

O winde-nen men luk, tumende na lerak puwama-ge, kir-e mbepme nggwe mendak woragolat, tumende lel lel kagolat-nen yogolar-e: ’Nab-o. Tu kuwarak ninpi-o!’ luk yak tugub-et nde, at-nen wene erep nggarosolar-e: ’Kir-e ngge me-nen lobok yigeb-o? An-e naru bug-o’ luk yuwa-o.

LUKAS 18:25

Nde, sapi wam-e luruk erel uru nggwe nggurag-e te-t nde, insilobulo kwarat worak nap-nen Mbal Pem Nagawan-nen tenagaidnak wi nggurag-e angin kwarar-o” luk yij-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

YOANES 14:7

Nde, kit-nen nde an kenaru nggal-nen-e ndemeret an Neid na kenaru yeleb-o. Alat nde, yawo-nen perak at kenaru yogolat, kagolat yili-o” luk yij-o.

YOANES 15:23

An isili rak nubusu nab-e, an Neid na isili rak ubusu-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

YOANES 5:17

Alama-ge, Yesus-nen it yak ondosolar-e: ”An Neig-e yabu wok tenak kundugu yawo na wanusur-o. Nde, an-nen na yabu wanusur-o” luk yij-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 2:13

Nde, imiri mbarak pidnak wene na eneyanggo kulidnak pem nak-nen ab-e lud tak nak tak onposo bug-o. Are, imiri mbarak pidnak wene-nen yidnak yidnak kwaruwa nab-et luk tak nak tak onposo-o.

EPESUS 6:6

It ndegel onpogolar-e, it enalen tak purak pem it-nen yik keneyarok woragola-nen nak kwarurag-e lag-o. Are, an-e Kerisut ndegel oboso-nen yusu-o peragoluk, kit kinndi-net Mbal Pem Nagawan indi-n pidnak irit it ndegel onpogolat wolmer-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 4:3

Mbal Pem Nagawan indi-n pidnak mende-ge yu-o: Kir-e marak nak woragolat, kwami terak terak ye unpugwi buk irit wolmer-o.

1 TESALONIKA 5:18

Nde, Yesus Kerisut imin kundik woragolat-nen Mbal Pem Nagawan indi-n pidnak kwarugwi-ge yu-o: Kir-e yi mende ndi mende kwat kinpidnak pem Mbal Pem Nagawan wa yak togolat wolmer-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

IBERANI 4:6

Nde, ap ereb-e at indisep kwaroso sa iri me ndak ngguwa-o luk yidnag-e nam-et worasu-o. Alat nde, it nanduk nandug-et konak wene kuliga nab-e it inndi angin tubu yigit lak iri bem-nen indisep kwaroso sa nggwigit lak yiga-o.

YAKOBUS 1:22

Nde, kit-nen aid wene iri-ge kulurak nag-e lag-o. Kuluruk, kulidnak iri ndak ndag-et kwarurag-o. Nde, kit-nen iri nggal kwarigit lak yogolar-e, kenambikpebe konmbol pem lali-o.

1 PETERUS 2:15

Kit-nen konak nak kwarugwi iri-nen kasa kasa wene yugwi nap enne pok tak purak iri-ge Mbal Pem Nagawan indingen-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

NAM PARA WENE 3:5

Amawi luk ombol nggwe yuwa nap iri-ge iri nggal kwasa sum loro yirik wolma-o. Nde, unlug-et wolmomtak engga bem-nen it unnu kurik pimin pug-o. An Neid min at-nen idnak aid nap min inmbiri bem ’It iri-ge an narengge-net yili-o’ luk nam-et para yimin-o.