MATIUS 7:14 - Nanduk Ngget Tul Pidnak Wene

¹⁴ Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

MATIUS 7:14 ပူးပေါင်းရင်းမြစ်များ

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

NGGOMO WENE 8:20

An-e lud tak kwarugwi nggwe-t mboroso-o. An-e mot mor-et kwarugwi nggwe-t mboroso o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

MATIUS 20:16

Iri nggal-et abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

MATIUS 22:14

Iri bem-e, ap kwarat wene mbo inpidnag-et nde, ab-e wonarak nak len unpusu-o” luk yij-o.

MATIUS 7:13

”Tumende mboronggo iri nggwe nggwer-o. Nde, lak tak unpurak tumende iri-ge nggok, nde, tula na owak la-nen yusu-o. Nde, ap mondok kwarat-nen tula iri nggwe mbitli-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YOANES 16:2

Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 9:32

Ngge bem-nen lud tak inpigit lag-o? Iri-ge it-nen inndi Mbal Pem Nagawan ebem angin tubu yigit lak-nen it-nen kwaridnak pem-e lud tak nak unpuwa-o peraiga bem-nen lud tak nak inpigit lag-o, Unuwok pijaksa mbugwi kerep iri na bem pijaksa mbiga-o.