MATIUS 7:12 - Nanduk Ngget Tul Pidnak Wene

¹² Ap-nen kwat kunpurak perali iri nggal-et kit-nen na irit kwat enper-o. Iri kwarogolar-e, imiri mbarak pidnak wene-nen yidnak yidnak min Mbal Pem Nagawan ene lomboksa yugwi nap-nen yidnak yidnak min ndak ndak tak pugwi irir-o.”

MATIUS 7:12 ပူးပေါင်းရင်းမြစ်များ

YESKIEL 18:21

Nde, meya yoso nap-nen meya yoso keya buruk, an-nen imiri mbarak pidnak wene ndak ndak kwarosolat, ndemeret lud tak nak kwarosola-ge, war-e ma bug-o. Urug-et wolma-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

MATIUS 5:17

”Nde, kit kenarem-nen yebet kagolar-e, ’At yu lobok yij-e imiri mbarak pidnak wene min Mbal Pem Nagawan ene lomboksa yugwi nap-nen yidnak wene min lak tak peyekluk-nen lobok yij-o’ luk peragub-o. Nde, an-e iri lak tak peyekluk-nen lobok yigi-ge lag-o. Are, wene na ndak tak peyekluk-net lobok yigi-o.

LUKAS 6:31

Ap-nen kit kwat kunpurak perali iri nggal-et kit-nen na ap erep kwat enper-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.