MATIUS 7:1 - Nanduk Ngget Tul Pidnak Wene

¹ ”Mbal Pem Nagawan-nen kenpem wene mbaruwa naru, kit-nen na ap enpem wene mbarurak pug-o.

MATIUS 7:1 ပူးပေါင်းရင်းမြစ်များ

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MATIUS 7:2

Nde, kit-nen ap enpem wene mbarugup iri na bem-net Mbal Pem Nagawan-nen kit kenpem wene mbaruwa-o. Nde, kit-nen ap ndak wat unpugup iri na bem-net Mbal Pem Nagawan-nen kit ndak wat kunpuwa-o.

MATIUS 7:5

Ken ambik konmbol pem lagwi nap wa-e. Kit kondomok kenlengen arem worasu e ebis nggugurik iri nanduk waber-o. Kit kenlengen op-net kit kennggam erengen arem worasu kopkap iri konag-et wabobok-nen.

LUKAS 6:37

Yuruk, at-nen yosolar-e: ”Mbal Pem Nagawan-e kit kenpem wene mbaruwa naru, kit-nen ap enpem wene mbarurak pug-o. Nde, Mbal Pem Nagawan-nen kit meya yidnak onggo kenpem puwa naru, kit-nen na it nin meya yidnak onggo enpem purak pug-o. Mbal Pem Nagawan-nen kit meya yidnak amberam tak puwakluk, kit-nen na nin nap meya yidnak kenmberam tak per-o.

LUKAS 6:41

Kit kenambik kenlengen ma-ge e ebis nggugurik worasu na yebet kagit lag-et nde, kir-e noluk-nen kenggam erengen ma nggwidnak kopkap marik iri nde kali-o?

YOANES 8:7

Nde, it na-nen wene iri na yak terenak kundugu ala karug-e, Yesus na pugak luk-nen it yak ondosolar-e: ”Kit kennggendumu-nen meya yoso buk nap mbi worala-ge, at nanduk-net kerep waga kwe yu wuruwag-o” luk yak indij-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.