MATIUS 6:9 - Nanduk Ngget Tul Pidnak Wene

⁹ Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

MATIUS 6:9 ပူးပေါင်းရင်းမြစ်များ

2 SEMUEL 7:26

Nin me nan me ap-nen kat kunu kek tak pogolat-nen yogolar-e: ’Nagawan Indo Amawi Worak iri-ge Isarael nap Enmbal Pem Nagawan iri nag-o’ luk yuwa-o. An-nen wigarak pem-nen ap misig-e Isarael nap enanggul pem nagawan men lug-e, tena unpuruk pem irit woralik nalik irit wolmag-o.

1 NAGAWAN NAGAWAN-NEN KWARIDNAK WENE 8:43

kar-e kat woraso sa aid arem-nen kuluruk, at-nen tepan yuwa-ge ene erep nggari-o. Iri nggal kwarosola-ge, yi nap ndi nap yi wi ndi wi worali oboksa-nen kat enaru luk, Isarael nap-nen kwatli nggal kat-nen yidnak yidnak kwarogolat, it-nen-e an-nen wirigi o yu-ge ndemeret Mbal Pem Nagawan kerembel wanurak uwi-t woramu-o luk enaru ma-o.

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

NDAWI ENGGA 111:9

At-nen at ilirak wisirik onposolar-e, pem irit inmin kundik wolmomtak urul yak indij-o. Ar-e Nagawan Indo kek tak amawi worak-nen yusu-o!

NDAWI ENGGA 115:3

Nit Nenmbal Pem Nagawan-e aid arem worasu-o. At-nen-e at indi-nen pidnak irit kwarusu-o.

NDAWI ENGGA 72:18

Nagawan Indo Isarael nap Enmbal Pem Nagawan iri nak erembel wanurag-o! Wi yurak mende-ge at nak-nen kwaroso-o.

YESAYA 6:3

It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YESAYA 66:1

Nagawan Indo-nen yosolar-e: ”Mbal iri-ge an koreyak woraso nondoro-nen yusu-o. Nde, nggweyag-e an nuwok poso ondoro-nen yusu-o. Iri ala karug-e, an namanggim-e o-ge ngge kwarak nggal wurugun-o? An wolmomtak nondoro-ge no nggal wurugun-o?

YESKIEL 36:23

Kit-nen wim nap enlem ennggendumu-nen an nunu emben to rak pugwi, an nunu mondok lenak marak woraso nggok iri na an-nen mirik onposola-ge, it-nen-e an nimin yogolar-e: ’Ar-e Nagawan Indo-net yusu-o’ luk enaru ma-o. Nagawan Indo Mondok Kek tak an-net yigi-o. An-nen kit kenpem nggwe-net enlem nin nap-nen an-e Nagawan Indo Mondok Marak misiget lombok-nen yusu-o luk yuwakluk, mirik inpimin-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 10:29

Towe wamsa mberen iri na onggo-ge satu sen nak wanugwi-t nde. Kineid indi-n peragit lak ma-ge, towe misiget ter-o luk nggweyak ma kapsa mboso bug-o.

MATIUS 23:9

Nde, kit Kineij-e misiget nak, aid arem worasu me, kit-nen-e nggweyak ma yu me-nen-e ap misiger-o luk tet ’Neid wa-e’ yak turag pug-o.

MATIUS 26:29

An-nen yak kendeyeg-o: Yawo kuri-nen an-e anggut engen amburu-ge mondok ninggit lak woramindik, an Neid-nen tenagaidnak wi iri me-nen anggut engen amburu ngget mende iri kit kinmin totno nonggolat tarem-nen perak namin-o” luk yij-o.

MATIUS 26:42

Yak turuk, mberen pem tak posolar-e, Yesus na mberarik, tepan yosolar-e: ”Neid wa-e. An ninggit lak ma yimbe yu mengga wanurag-e meya nde ala-ge, kat kindi-n pidnak nak kwat mag-o” luk yij-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MATIUS 6:14

Kit-nen nin nap-nen meya rak kinpidnak iri na kenmberam tak pogola-ge, Kineid aid arem woraso iri-nen na kit meya yidnak amberam tak puwa-o.

MATIUS 6:6

Alat nde, kit-nen tepan yuwoklug-e, kenma nggogolar-e, tu lerak puruk, kura ma woraso Kineid na emengen mbarurag-o. Nde, kura ma-nen kwaridnak kaso Kineid iri-nen keneyaruk onggo wok kunduwa-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

LUKAS 15:18

An-e neid eram mbirimindik-nen at yak tosolar-e: Neid wa-e. Mbal Pem Nagawan min kat min kinmbiri bem-e meya yosolat woragi-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.