MATIUS 6:4 - Nanduk Ngget Tul Pidnak Wene

⁴ Kit-nen yi mende ndi mende wok ondogolar-e, mondok kurasa wok undurag-o. Iri kwarugup pem-e, kura ma-nen kwarugwi kaso Kineid-nen keneyaruk onggo wok kunduwa-o.”

MATIUS 6:4 ပူးပေါင်းရင်းမြစ်များ

NDAWI ENGGA 139:12

ndamuk iri na-ge kat kambigir-e ndamuk wolma bug-o. Alat nde, kubu iri na-ge lengge nggal ma-o. Nde, ndamuk iri na-ge yaya nggal ma-o.

NGGOMO WENE 25:22

Kat-nen nde iri nggal kwat onposola-ge, ir-e innggiri nde ma-o. Nde, kar-e Nagawan Indo-nen-e imbiringgat kebem puwa-o.

YEREMIA 23:24

An-e nin me nan me mbal pem-nen na irit, nggweyak pem-nen na irit, oboksa worala me, an nerengen pem-e ap misiger-o luk mbi-nen kurak yurag-e mondok meya-nen yusu-o.

MATIUS 10:42

An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

MATIUS 6:18

Ap-nen-e kit mburu ninggit lak, we woraidnak iri yenggerak kunpuwa naru, iri kwarurag-o. Alat nde, Kineid kura ma woraso iri nak-nen yenggerak kunpuwa-o. Nde, kura ma-nen kwaridnak mende kaso Kineid na-nen keneyaruk, onggo wok kunduwa-o.”

MATIUS 6:3

Alat nde, kit-nen-e yi mende ndi mende-ge insilobulo lak nap we wok ondogolar-e, kininggi kigit nggwe-nen kwarusu iri-ge kininggi kware nggwe-ge aru rak purak pug-o.

MATIUS 6:6

Alat nde, kit-nen tepan yuwoklug-e, kenma nggogolar-e, tu lerak puruk, kura ma woraso Kineid na emengen mbarurag-o. Nde, kura ma-nen kwaridnak kaso Kineid iri-nen keneyaruk onggo wok kunduwa-o.

LUKAS 14:14

it-nen onggo sak kururag-e lak me, imbiringgat tak kubuwa-o. Lud tak woragwi nap tuguruk unluk tak puwa tarem-nen-e Mbal Pem Nagawan-nen onggo wok kuruwa-o” luk yij-o.

LUKAS 8:17

Kura woraidnak mende pidsa kura wolma bug-o. Kura wene na kura wolma bug-o. Pidsa nam nak ma-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.