MATIUS 6:31 - Nanduk Ngget Tul Pidnak Wene

³¹ Iri bem-e, kit-nen yogolar-e: ’Nunggwi mende nde no nul-o? Yi-ge no nul-o? Nunsum no yurul-o?’ luk kunmud kudtak pug-o.

MATIUS 6:31 ပူးပေါင်းရင်းမြစ်များ

NDAWI ENGGA 111:5

At iri-ge at-nen ”Kwat kinpimin-o” luk urul pidnak ereba na pempa indi yeberak woralat, at indi aye worak woragwi nab-e nunggwi mende mak ondosolat woraso-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

MATIUS 15:33

Yak ondosoloma-ge, at owosirak-nen at yak togolar-e: ”Nde, ap lak ma yu me-nen-e ap kwarat yu ndak mak undurak mburu-ge ngge menen wanul-o?” luk yiga-o.

MATIUS 4:4

Nde, iri yosoloma, Yesus-nen wene erep nggarosolar-e: ”Mbal Pem Nagawan Engga mbarak pem-nen yosolar-e: ’Ab-e mburu bem nak unluk woragwi bug-o. Are, Mbal Pem Nagawan emndam-nen mbiridnak wene oboksa bem-net unluk woragwi-o’ ” luk yij-o.

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

MATIUS 6:27

Kit kennggendumu-nen ta-nen nde at umud kasu iri bem-nen at uruk wolmomtak mot tak purak ndag-a?

LUKAS 10:41

Yosoloma-ge, Nagawan Indo-nen kwe na yak tosolar-e: ”Marata wa-e. Marata wa-e. Kar-e yabu kwarat iri-nen ndowaga kar-e kindi kabak yosolat, kumud kasu-t nde,

LUKAS 12:11

Nde, kit kenpem wene mbaruwakluk, pemerinta nap min nagawan nagawan min endam tepan yugwi ma kinpil mborogola-ge, kir-e ’Nene-nen kuri worosolar-e, no nde yimin-o?’ luk kinndi kabak yurak pug-o.

LUKAS 12:22

Iri luk, Yesus-nen at owosirak na yak ondosolar-e: ”Iri bem-e wene yu yak kundusu-o. Kit woragolat kit-nen norak mende min yururak sum min ereya bem-e kit kunmud kudtak pug-o.

LUKAS 12:29

Iri bem-e, ’Mburu min yi min no nul-o?’ luk, kinndi kabak yurak pug-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

1 PETERUS 5:7

Ar-e kit kwara lombot konposo me, kir-e kunmud kagwi mende pidsa-ge at eram nak keya ber-o.