MATIUS 6:25 - Nanduk Ngget Tul Pidnak Wene

²⁵ Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

MATIUS 6:25 ပူးပေါင်းရင်းမြစ်များ

MATIUS 10:19

Alat nde, kit kenpem wene mbaruwakluk wok kunpuruk mborogola-ge, kir-e: ’An-e no wene nde yimin-o?’ luk kinndi kabak yurak pug-o. Nde, wene yurak tarem wok yosola-ge, kit-nen yurak wene iri-ge kenemndam tak puwa-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 6:31

Iri bem-e, kit-nen yogolar-e: ’Nunggwi mende nde no nul-o? Yi-ge no nul-o? Nunsum no yurul-o?’ luk kunmud kudtak pug-o.

MATIUS 6:34

Iri bem-e, kup-nen kwarurak iri na kunmud kudtak pug-o. Kup-nen kunmud kudtak na ariget worasu-o. Yawo nggal amanggim kunmud kagolar-e, yawo nggal amanggim nak kudtag-o.”

MARAKUS 13:11

Nde, it-nen tena kunpuruk, ap enpem wene mbarugwi sa lit kunpuruk mborogola-ge, ’An-e no yimin-o?’ luk kunmud kudtak pug-o. Kat-nen yurak tarem wok yosola-ge, ereya-net kemendam tak pidnak irit yurag-o. Nde, kat-nen yugun iri na-ge kat-nen-e lag-o. Are, Konak Indi-nen kemendam tak pidnak wene-nen yusu-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

LUKAS 12:11

Nde, kit kenpem wene mbaruwakluk, pemerinta nap min nagawan nagawan min endam tepan yugwi ma kinpil mborogola-ge, kir-e ’Nene-nen kuri worosolar-e, no nde yimin-o?’ luk kinndi kabak yurak pug-o.

LUKAS 8:14

Nde, uwi linggat ndumu mbid iri na nggal-e aid wene kulidnag-et nde, woragolar-e, it-nen wolmomtak pem unmud kagolat, it-nen enarengge kwarat windi woragolat, enalen pem wolmomtak peragolar-e, iri-nen ndowaga aid wene na perena keya bosoma-ge, engen pidnak na-ge ebe kwat yoso buk iri nggal-nen yusu-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

1 KORINTUS 7:32

Kir-e kunmud lak wolmomtak iri-ge nindingen-o. Nagawan Indo-nen at ebem indi yek maklug-e, ogwe lak nab-e Nagawan Indo eyabu wanurak nak nggok tak pusu-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

2 TIMOTIUS 2:4

Wim tomboroso nap-nen wim tomborosolar-e, at owe nagawan-nen at alen iyujwaklug-e, at ondomok owene-ge yebet kaso bug-o.

1 PETERUS 5:7

Ar-e kit kwara lombot konposo me, kir-e kunmud kagwi mende pidsa-ge at eram nak keya ber-o.