MATIUS 6:2 - Nanduk Ngget Tul Pidnak Wene

² Iri bem-e, kit-nen nde yi mende ndi mende-ge insilobulo lak nap we wok ondogolar-e, it enesiget siget kwarugwi nap-nen-e Mbal Pem Nagawan uwi worak ma-nen na, tula tula nggwe-nen na ap-nen it yik eneyarik entembel wanuwakluk kwarugwi mende nggal, kit-nen kwarurak pug-o. An-nen yak kendeyeg-o: It iri kwatli iri-ge onggo mondok wanigarik worali-o.

MATIUS 6:2 ပူးပေါင်းရင်းမြစ်များ

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 37:21

Meya yugwi nap-nen-e ap enarengge luru wanurug-e, tuguruk uwi yakwi bug-o. Alat nde, konak nap-nen-e inndi op pem-et we wok undugwi-o.

NGGOMO WENE 20:6

Ap kwarat-nen enemnde nggwe-nen para yogolar-e: ”Nir-e kit kennggamirak mondok konak-nen yili-o” luk yili-t nde, mondok ndemeret inndi mot mot woragwi nab-e iniyudtag-e meya-o.

AID WENE YOSO NAP 11:2

Korol erem wolosolar-e, nin me nan me ereba me posolat, kwarat tu nin tak nan tak kore yosolat kamawi kundurag-o. Nde, ap-nen-e enpem mboso mende enpem mbigit lak ma-net awo ma lid lud tak puruk woragwi-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

OSEA 8:1

MATIUS 15:7

Kenesiget siget kwarugwi nap wa-e! Yesaya-nen kit-nen kwarurak urul pid na-ge ndemeret yij-o. At-nen yosolar-e:

MATIUS 16:3

Nde, o kuplila ala: ’O-ge angin mbud tak me, yawo-ge sumbat ma-o’ luk yugwi-o. Kit-nen-e o erare iri nggal-e yenggerak pili-t nde, yawo tarem-nen kwarurak mende iri perak nde, kir-e yenggerak pili bug-o.

MATIUS 22:18

Yogolikma-ge, Yesus na it inndi-n perali meya iri na aru me, it yak ondosolar-e: ”Kenesiget siget kwarugwi nap wa-e. Kir-e noluk-nen an nindi ngatli-o?

MATIUS 23:5

It-nen kwarugwi mende-ge ap-nen iniyujwakluk nak kwarogolar-e, inmbiriwak pem-e tepan kere abak pogolat, unsum na mot pare yorogolat yili iri ker-o.

MATIUS 23:6

Nde, nunggwi mende nggulok sakwi tarem-nen na it ereba-ge ap kek tak-nen kore yugwi sa kore yurak yogolat, tepan yugwi ma-nen na koreyak woragwi mondok konak pem nak kore yogolat,

MATIUS 24:51

eid na-nen-e ndegel poso nap iri na mbarep parepsa keya buruk, enesiget siget kwarugwi nap ennggendumu lesa wirik puwa-o. Iri me-ge sa nggwa mbogolat, eneyak nggirit marogolat wolma-o” luk yij-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:3

Alat nde, kit-nen-e yi mende ndi mende-ge insilobulo lak nap we wok ondogolar-e, kininggi kigit nggwe-nen kwarusu iri-ge kininggi kware nggwe-ge aru rak purak pug-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MATIUS 7:5

Ken ambik konmbol pem lagwi nap wa-e. Kit kondomok kenlengen arem worasu e ebis nggugurik iri nanduk waber-o. Kit kenlengen op-net kit kennggam erengen arem worasu kopkap iri konag-et wabobok-nen.

MARAKUS 12:39

Yawuri nap tepan yugwi ma-nen ap kek tak-nen kore yugwi sa nak kore yogolat, nunggwi mende sakwi tarem-nen ap nggok-nen kore yugwi sa min nak kore yurak peragwi-o.

MARAKUS 7:6

Kin wanogolikma-ge, Yesus-nen wene onggo yosolar-e: ”Yesaya-nen urul paga engga bem mbarid na-ge kit kenesiget siget kwatli yu-t ndemeret urul pamu-o. Nde, iri-nen yosolar-e: ’Ap yu-ge enmende nak-nen an kek tak nibili-t nde, inndi-ge erepma worasu-o.

LUKAS 11:41

Alat nde, kit kinidmbe min kin piring min arem worasu irit ap insilobulo lak nab-e wok undurag-o. Nde, iri nggal kwarogola-ge, kit kenambigir-e marak irit kwat ma-o.

LUKAS 11:43

Parisi nap kenpem mbuwa mende bem kenabuwa-o! Kir-e tepan yugwi ma-nen unnu worak nap-nen kore yugwi sa kore yurak nak kindingen yogolat, onggo wanugwi sa-nen ap-nen kek tak kunpurak nak kindingen yogolat yugwi-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 12:56

Kenesiget siget yugwi nap wa-e. O abage mbarugwi kenaru-t nde, noluk-nen kir-e o yawo worali abage yenggerak purag-e kenaru bug-o?” luk yij-o.

LUKAS 13:15

Yosoloma-ge, Nagawan Indo-nen at yak tosolar-e: ”Kennesiget siget yugwi nap wa-e. We woragwi tarem-et nde, kit pidsa-nen-e konowam lembu wam nde kelerai wam nde at uwi ma-nen tu kuwara wirik puruk, yi mak til mburugwi bug-a?

LUKAS 20:46

”Imiri mbarak pidnak wene enaru nap enabiyem-o luk kwil kwalsa wolmer-o. Ir-e unsum mot na yutluk waring kudtak indingen yogolat, onggo wanugwi sa-nen kek tak unpurak indingen yogolat, tepan yugwi ma-nen na irit, sakwi sa-nen na irit, ap kek tak-nen kore yugwi sa nak kore yurak indingen yugwi-o.

LUKAS 6:24

Alat nde, kit yawo yi mende ndi mende ombo worali nab-e iri na bem-nen kenalen min worali me, kenabuwa-o!

LUKAS 6:42

Kit kenlengen ma nggwidnak e ebis nggugurik na limbinigit lak-net nde, kir-e kennggam yak togolar-e: ’Nanggam wa-e. Kopkap kerengen ma nggwidnak iri-ge wabeyeg-o’ luk nggesa-nen yak tugub-o? Kenesiget siget yugwi nap wa-e. Nandug-et kit kenlengen ma e ebis nggugurik na wabogoluk-nen kit kennggam erengen ma nggwidnak kopkap iri-ge kwara kagolat-nen waburag-o” luk yij-o.

YOANES 13:29

Yuras iri-ge it ontol tena woraso nap me, it erep inndi-nen peragolar-e: ”Yesus-nen-e nunggwi mende nggulok sagili yu amanggim nunggwi mende mbi onggo pil mburuwakluk-nen yak tusu, lak?” Are, ”Insilobulo lak nap tol erep tembesa wok unduwakluk-nen yusu, lak?” luk peraiga-o.)

YOANES 5:41

An-e ki nap-nen kek tak nubuwag-o luk-nen yusu-ge lag-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YOANES 7:18

Ap misik-nen-e at ondomok indi-n pidnak mul ondoso nab-e at ambik unu kek tak purak kwarusu-o. Alat nde, at wirik ibil lobok yidnak nap unu kek tak purak indingen nap-nen-e at arem-e enesiget wene-ge mondok lak me, mot mot yoso-nen yusu-o.

YIDNAK YIDNAK WENE 10:2

Ap iri na-ge Mbal Pem Nagawan erembal wanoso-o. At min at ama woragwi nap inmin-e Mbal Pem Nagawan aye worak woragwi-o. At isilobulo-ge we irit Yawuri nap tembesa wok ondoso-o. Mbal Pem Nagawan eram tepan pempa yoso-o.

YIDNAK YIDNAK WENE 10:31

Ap iri-nen yosolar-e: ’Korenelius wa-e. Mbal Pem Nagawan-nen-e kat-nen tepan yoso na kuluruk, kisilobulo we wok ondoso na yebet kagaij-o.

YIDNAK YIDNAK WENE 10:4

Yak tosoloma-ge, ap iri na kwiye min-et erengen kere kererak yik karok woralat-nen aid nap na yak tosolar-e: ”Nap wa-e. No yak nurugun-o?” luk yak tosoloma-ge, aid nap-nen onggo yosolar-e: ”Kat-nen tepan yoso min we wok ondoso min iri-ge Mbal Pem Nagawan-nen wanuruk, yebet keyasu-o.

YIDNAK YIDNAK WENE 11:29

Kwat yosoloma-ge, Yesus ene wanugwi nap-nen-e Yurea woragwi ennggamirak tak inpidnak nap na yongga unduwog-o luk, it komondomok insilobulo ndak ndag-et menggasa enmanggim piga-o.

YIDNAK YIDNAK WENE 24:17

Molengen lasolat mbosolat kwarat worarug-e, an-e tuguruk Yerusalem lobok yosolar-e, an nelem nab-e tol wok ondosolat, Mbal Pem Nagawan amanggim pugwi mende peyekluk lobok yigi-o.

YIDNAK YIDNAK WENE 9:36

O Yope-nen Yesus ene wanoso kwe unu-ge Tabita irit woragaij-o. At unu-ge Yunani wene bem yogolar-e, Ndorokas-o. Nde, kwe iri-ge konak nak kwarosolat, isilobulo na we irit wok ondosolat woraso-o.

OROMA 12:8

Ap inndi eyak wururak wok tidnak nde ala-ge, ap inndi eyak worosolat wolmag-o. Nde, at arengge ap tembesa wok undurak wok tidnak nde ala-ge, indi mbek tak pem-et wok ondosolat wolmag-o. Nde, ap lit eneyaruk nurak wok tidnak nde ala-ge, eberari lag-et ap lit eneyaruk nosolat wolmag-o. Nde, ap enabuwa kudtak wok tidnak nde ala-ge, alen min-et ap enabuwa kasolat wolmag-o.

1 KORINTUS 13:3

An narengge pik paksa ap tembet ondosolat, an nebe na kan nubuwakluk wesera wok ondosolat yimin-et nde, ap enabuwa kagwi elem nde an narem-e lak-nen-e iri kwarimin pidsa-ge an namanggim-e wewesa-nen yusu-o.

NGGALATIA 2:10

It-nen yogolar-e: ”Yu nak perak nde keya burak pug-o. It insilobulo lak nap iri-ge meme rak unpurak pug-o” luk yak nindiga-o. Nde iri-ge an-e iri kwarurak pem an namawi kondoso-t nde yak niriga-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

1 TESALONIKA 2:6

Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

PILEMON 1:7

Nanggam Pilemon wa-e. Kar-e an nabuwa kasu bem-e an nalen tak posolat, nindi uwi ya bosolat yusu-o. Marak inpidnak nap pidsa na inndi uwi ya bigen-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 SEMUEL 15:30

Yak tosoloma-ge Saul-nen onggo yosolar-e: ”An-e meya-t kwarigi-o. Alat nde, yongga norosolar-e, nab-o. An-e Nagawan Indo nombo Kembal Pem Nagawan erembel waneyek-nen tuguruk nenmberek mburuwog-o. Iri nggal kwasa nimin mborosola-ge, Isarael nap ennggendumu enne kulugwi nap min Isarael nap oboksa min enlengen pem-e kek tak nobosolat-nen kwarugun-o” luk yak tij-o.