MATIUS 6:16 - Nanduk Ngget Tul Pidnak Wene

¹⁶ ”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:16 ပူးပေါင်းရင်းမြစ်များ

2 SEMUEL 12:16

Worosoloma-ge, la iri na ki rak puwakluk Ndaut-nen-e Mbal Pem Nagawan emengen mbarosolat woralar-e, nunggwi mende na ninggit lak, pempa kubu-ge at nene yoso sa kune bem tag-et mbiringgik nak woragij-o.

2 SEMUEL 12:21

Iri kwarosola karug-e, at ndegel ubugwi nap ereba na-nen at yak togolar-e: ”La iri na uruk worala-ge, mondok nunggwi mende-ge ninggit lak, ubud nak yip tenak woraigen-et nde, wat yosoloma-ge, kar-e men yosolat nunggwi mende nasu yu-ge nir-e nenaru bug-o” luk yak tiga-o.

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

NEMIA 1:4

Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

ESET 4:16

”Kar-e Yawuri nap o Susan worali oboksa ndok worak unpuruk, an namanggim tepan yogolat wolmer-o. Lengge-nen kubu-nen kenan pem ereya woragolar-e, nunggwi mende ninggit lak, tepan nak yogolat wolmer-o. Nde, an min an ndegel nubugwi kweyap ndugum inmin na nit na tepan-et yogolat wulmul-o. Iri luk, pem-nen kwarugwi wene iri na kwid turuk, an-e nagawan eram mbirimin-o. Iri kwarosola karuk, norosola-ge, war-et yimin-o!” luk wene wosa bil mborosoloma-ge,

NDAWI ENGGA 69:10

An-e nunggwi mende ninggit lak tepan nak yosolat, mondok tebe yusu-o. Iri kwarusu bem it-nen-e eneyak nggal tak nibili-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

MALEAKI 3:14

Iri-ge kit-nen yogolar-e: ’Nir-e wewesa Mbal Pem Nagawan ndegel ibili-o. No manggim-nen nir-e Nagawan Indo Mondok Amawi worak iri na-nen yidnak yidnak kwat tenak woragolat, nit-nen meya yidnak keya buruk kondok yogolat kwat tenak wolmomtag-o?

MATIUS 6:1

”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

MATIUS 6:2

Iri bem-e, kit-nen nde yi mende ndi mende-ge insilobulo lak nap we wok ondogolar-e, it enesiget siget kwarugwi nap-nen-e Mbal Pem Nagawan uwi worak ma-nen na, tula tula nggwe-nen na ap-nen it yik eneyarik entembel wanuwakluk kwarugwi mende nggal, kit-nen kwarurak pug-o. An-nen yak kendeyeg-o: It iri kwatli iri-ge onggo mondok wanigarik worali-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MARAKUS 2:18

Misik tarem-e ap yi maroso nap Yoanes imin nugwi nap min Parisi nap min-e mburu ninggit lak woragola-ge, ap erep lobok yigarik-nen Yesus kin wok obogolar-e: ”Noluk-nen ap yi maroso nap Yoanes imin nugwi nap min Parisi nap inmin nugwi nap min-e mburu ninggit lak we worali-t nde, kat kimin nugwi nab-e mburu ninggit lak, we worali bug-o?” luk kin wok ibiga-o.

LUKAS 18:12

Tepan misik arem-e mberen pem tepan yosolat, mburu ninggit lak we nene yoso-o. Nde, an narengge pidsa wonasa enggep lombok karetkwe-nen idnag-e kat kamanggim poso-o’ luk yij-o.

LUKAS 2:37

kwe togwe woralar-e, olengen depalan pulu empat (84) woraidnak me, kwe indi worak yidnak irit woragaij-o. Kwe na-ge Mbal Pem Nagawan ama-nen mbepme mboroso buk, kubu-nen lengge-nen mburu keya buruk, tepan nak kundugu yosolar-e. Mbal Pem Nagawan nak erembel wanosolat woraso-o.

YIDNAK YIDNAK WENE 10:30

Kin wok onposoloma-ge, Korenelius-nen yosolar-e: ”Nde, pelin ereya-ge jam tiga bem keyama nggwe yanem nggal an nama-nen tepan yosoma-ge, mimo ap misik usum abinal worak iri-ge an neram men yosola kagi-o. Karug-e, empat nene yigi-o.

YIDNAK YIDNAK WENE 14:23

Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.

1 KORINTUS 7:5

Kir-e inmin nene yugwi iri bem-e yuk puk yurak pug-o. Nde, kit kenmberek wene mbarogolar-e: ”Tepan yogolat wolmok-nen-o” yuruk, iri kwarurak na keya buruk, tepan yurag-o. Yurug-e, kit kondomok-nen mamak purag-e meya me, Sere-nen kinndi ngaruwa naru, kenmberek lambuk yurag-o.

2 KORINTUS 11:27

An yabu kwarat wanosolar-e, nababok lak yoso-o. Kwarat pem nene yigit lak, nuruk nak woragi-o. Mburu nere yilik, yi nere yilik yoso-o. Kwarat pem-e nunggwi mende lak yilik, toro yilik, nusum lak we woralik yoso-o.

2 KORINTUS 6:5

Linggamburok nondogola, o kubu me ninpil nggogolat, ap kwarat-nen nenpem mbud yogolat yiga-o. Nenpabok lak yosolat, nene yigit lak, nunluk nak woragolat, nere kagolat yige-o.