MATIUS 6:13 - Nanduk Ngget Tul Pidnak Wene

¹³ Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MATIUS 6:13 ပူးပေါင်းရင်းမြစ်များ

NDAK WIRIDNAK WENE 22:1

Nde, siyak woraruk, mbi tarem-e Mbal Pem Nagawan-nen Abarakam indi tugup lak worasu iri na kayekluk, Mbal Pem Nagawan-nen-e ”Abarakam wa-e” luk wene mbo bij-o. Wene mbo obosoloma, Abarakam-nen erep nggarosolar-e: ”An-e yu-o” luk yij-o.

1 NAGAWAN NAGAWAN-NEN KWARIDNAK WENE 1:36

Yosoloma, Mbenaya-nen onggo yosolar-e: ”Nagawan kek tak wa-e. Irit kwarul-o” yosoluk-nen yosolar-e: ”Nagawan Indo kat Kembal Pem Nagawan-nen-e kat-nen yigen wene iri-ge mondok watsa amawi rak puwag-o.

NDAWI ENGGA 22:28

Amawi worag-e Nagawan Indo nak me, yi ap ndi ap oboksa tena unpuruk worasu-o.

NDAWI ENGGA 47:2

Nagawan Indo mondok kek tak iri-ge mondok kwiye yurak mende-nen yusu-o. At iri-ge nagawan mondok kek tak yi wi ndi wi tena woraso-nen yusu-o.

NDAWI ENGGA 47:7

Mbal Pem Nagawan iri-ge yi wi ndi wi oboksa enanggul pem nagawan-nen yusu-o. Ndawi bem at erembel waner-o!

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

NDAWI ENGGA 89:52

Pem iri woragolat, Nagawan Indo nak erembel wanogolat wolmag-o. Iri nggal-et kwat mag-o! Amin!

MBIRIGA WENE 15:18

Nagawan Indo wa-e. Kar-e pempa Nagawan o tena woraso-nen yusu-o” yiga-o.

NGGOMO WENE 30:8

An-nen lugud tak kwarosolat, nenesiget yosolat woramin naru, mondok lak tak pi-o. Silobulo lak woralat, silobulo ombo woralat wolmakluk na keya nuburak pug-o. Are, an-nen norak ndak wosa nak wok nururag-o.

YEREMIA 15:21

An-nen-e enlengen lamburak nak meya yugwi nap iri na ininggem-nen wisirik kibimin-o. Nagawan Indo an-net yigi-o” luk yij-o. 16:1–17:27 Pasal mberen ya arem-e Yewura nap enpem angin worak mende mbuma wene min Yeremia-nen Nagawan Indo-nen yongga wuruwakluk emengen mbaridnak wene min Mbal Pem Nagawan-nen Isarael nap yak ondosolar-e: ”We woragwi tarem-e yu nggal kwarogolat wolmomtag-o” luk yak indidnak wene min mbarak worasu-o.

NDANIEL 4:25

Nap kar-e ap ennggendumu-nen langgara wirik kubuwama, wam min lambuksa tusundumu ereba olengen tuju irit woragun-o. Nde, olengen tuju iri woralar-e, sapi nggal tusuangge tarosolat, we mbepme ereba-t nene yosolat woragun-o. Worala-ge, lilangen-nen piri rak kubuwa-o. Woraruk ombol nggwe-nen perak nap kat-nen perasolar-e: ’Mbal Pem Nagawan Mondok Kek tak iri na-ge nggweyakma yu-nen tenagidnak wi iri-ge Mbal Pem Nagawan inggem-et woralat, ta-nen nde at-nen lenak pidnak nab-e nggweyakma yu me-nen tenagidnak wi-ge inggem purak iri na ndak-net yusu-o’ luk peragun-o.

NDANIEL 7:18

Alat nde, Mbal Pem Nagawan Mondok Kek tak ilirak-nen-e o tena buruk wolmomtak amawi iri-ge ininggem-et puwa-o. Nde, it-nen o tena buruk woragolar-e, pem irit tena wolma-o” luk yak nirij-o.

MATIUS 26:41

Inndi ngaroso mende-nen kinndi ngaruwa naru, kunluk woragolat, tepan yogolat wolmer-o. Kinndi-nen-e lud tag-et kwareyeg-o yili-t nde, kenpe-nen-e ndeyak yusu-o” luk yak tij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 5:37

’Ye’ yogolar-e, ’Ye’ yurag-o. Nde, ’Lag-o’ yogolar-e, ’Lag-o’ nak yurag-o. Nde, wene nin tak nan tak yili iri-ge Sere eram-nen lobok yidnak wene yili-o.

MATIUS 6:10

Kat-nen tenagaidnak wi iri lobok yuwag-o. Aid arem-nen kat kindi-n pidnak kwatli nggal, nggweyak ma-nen na irit kwaruwag-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

1 KORINTUS 10:13

Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.

1 KORINTUS 14:16

Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

2 KORINTUS 1:20

Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

TUGURUK YIDNAK WENE 8:16

Nembaga ereba-nen-e nunggwi mende konmborak-nen na kagwi bug-et nde, mana iri wok kindid iri-ge abok kit konak kwat kunpurak pem kinndi tebeluk wolma, lak? luk kinndi kayekluk-nen wok kindij-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

1 TESALONIKA 1:10

at ambara aid arem-nen mbuma-o luk yik karok worali wene min oboksa yak nundugwi-o. At Ambara Yesus iri-ge wat yidnak nap ennggendumu-nen uruk tak pij-o. Nde, Yesus-nen-e Mbal Pem Nagawan isilepma abok-nen ap enpem mbumomtak iri na inggem-nen ninmiri yij-o.

2 TESALONIKA 3:3

Alat nde, Nagawan Indo-ge mot mot nak kwaroso-nen yusu-o. At-nen-e amawi rak konposolat, Meya nak Kwaroso Nap na-n meya rak kunpuwa naru kontowarak worasolat ma-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

IBERANI 11:36

Ap ereb-e nggweyel onpogolat, linggamburok ondogolat, kamasa o kubu me inpil nggogolat yiga-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 19:1

Iri luk, an kuliginggal-e, ap kwarat aid arem-nen enne-ge o nggu nggal yogolar-e: ”Mbal Pem Nagawan erembel wanuwog-o! Nit Nenmbal Pem Nagawan iri-ge ninmiri yoso kek tak amawi worak-nen yusu-o!

NAM PARA WENE 19:4

Nde, enne kulugwi nap dua pulu empat (24) min untugup worak mende empat ereya na min-e mbud luk, nagawan-nen koreyak woraso ondoro bem koreyak worasu Mbal Pem Nagawan erembel wanogolat-nen yogolar-e: ”Amin! Mbal Pem Nagawan erembel wanuwog-o” luk yiga-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 5:13

Iri luk, an kuliginggal-e, untugup worak mende aid arem woragwi-nen na, nggweyak ma woragwi-nen na, nggweyak urugwe nggwe woragwi-nen na, yi koma arem woragwi-nen na iri oboksa-nen ndawi yogolar-e: ”Nagawan koreyak woraso ondoro ebem koreyak worasu na min Lomba Wam Marik na min nak entembel wanogolat, it enambigit nak tebe yogolat, o tena buruk woragolat pem irit woralik nalik wolmag-o!” luk yiga-o.